មាតិកាព័ត៌មាន
Home / ព័ត៌មានជាតិ / កញ្ឆាក្រៀមជិត១០០គីឡូក្រាម ប្រុងនាំយកទៅលក់នៅវៀតណាម​ ព្រមទាំងដំណាំកញ្ជាជិត៤ពាន់ដេីម ត្រូវបានកម្លាំងអាវុធហត្ថតាកែវ​ ធ្វេីការបង្ក្រាបនឹងបំផ្លាញចោលនៅភ្នំប៉ាយ៉ងកោរ ស្រុកគីរីវង់​

កញ្ឆាក្រៀមជិត១០០គីឡូក្រាម ប្រុងនាំយកទៅលក់នៅវៀតណាម​ ព្រមទាំងដំណាំកញ្ជាជិត៤ពាន់ដេីម ត្រូវបានកម្លាំងអាវុធហត្ថតាកែវ​ ធ្វេីការបង្ក្រាបនឹងបំផ្លាញចោលនៅភ្នំប៉ាយ៉ងកោរ ស្រុកគីរីវង់​

តាកែវ៖ ដំណាំកញ្ឆាជិង ៤ពាន់ដើម និងកញ្ឆាក្រៀមជិង ១០០គីឡូក្រាម ត្រូវបានកំលាំងអាវុធហត្ថខេត្តតាកែវ ចុះបង្រ្កាបបានកាលពីព្រឹកថ្ងៃទី២៣ ខែវិច្ឆិកា ឆ្នាំ២០១៩ នៅចំណុចជួរភ្នំប៉ាយ៉ង់កោ ស្ថិតនៅភូមិជ្រោយ ឃុំព្រះបានជាន់ជុំ ស្រុកគិរីវង់ ខេត្តតាកែវ ដែលបំរុងនាំយកទៅលក់នៅវៀតណាម ។

បើយោងតាមការបញ្ជាក់ពីលោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ បានឲ្យដឹងថា ដោយមានការសម្របសម្រួលនីតិវិធីដោយ លោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ និងមានការសហការណ៍ជាមួយ លោក ស៊ុត ខុន អភិបាលស្រុកគិរីវង់ នៅព្រឹកថ្ងៃទី២៣ ខែវិច្ឆិកា ឆ្នាំ២០១៩ កំលាំងនៃបញ្ជាការដ្ឋានអាវុធហត្ថខេត្តតាកែវ បានចុះបង្រ្កាប និងកាប់ដុតកម្ទេច ចោលដំណាំកញ្ឆាបាន ៤ទីតាំង មានចំនួន ៣៣៥០ដើម អាងទឹក ៥ រោងស្នាក់នៅ ២កន្លែងធំៗ និងបានរឹបអូសកញ្ឆាក្រៀមចំនួន ៩៨គីឡូក្រាម ស្មើនឹង ១៥បាវ ឡានហាយឡែនឌ័រ ១គ្រឿង និងឃាត់ខ្លួនអ្នកចាំចំការមានឈ្មោះ ធីម ណា ភេទ​ប្រុស អាយុ ២៨ឆ្នាំ ។

លោកមេបញ្ជាការអាវុធហត្ថខេត្តបានបន្តថា ចំពោះករណីចុះបង្រ្កាបដំណាំកញ្ឆានេះ គឺកំលាំងបានចុះបង្រ្កាបដូចភ្លៀងរលឹម នៅលើជួរភ្នំប៉ាយ៉ង់កោនេះ ប៉ុន្តែបង្រ្កាបមិនចេះអស់ដោយ ស្ថានភាពភូមិសាស្រ្តមានភាពស្មុគស្មាញច្រើន ដែលធ្វើឲ្យកំលាំងយើងពិបាកក្នុងការចុះបង្រ្កាប។ ប៉ុន្តែលោកនឹងបន្តចុះបង្រ្កាបដំណាំកញ្ឆា ទាំងអស់នេះ ឲ្យអស់នៅលើជួរភ្នំប្រវត្តិសាស្រ្តនេះ ជាពិសេសបន្តស្វែងរកចាប់ខ្លួន ក្រុមឈ្មួញទុច្ចិរិតដែលបានលួចដាំដុះដំណាំកញ្ឆានេះ។

បច្ចុប្បន្នកញ្ឆាក្រៀមជាង ១០០គីឡូ មនុស្សម្នាក់ និងឡាងហាយលែនឌ័រ១គ្រឿង ត្រូវបានកំលាំងជំនាញ កំពុងកសាងសំណុំរឿងបញ្ជូនមកកាន់សាលាដំបូងខេត្ត ដើម្បីចាត់ការបន្តទៅតាមនីតិវិធីច្បាប់ ៕

      

About admin

Check Also

ប៉េអឹមខេត្តសៀមរាប បង្ក្រាបរថយន្តស៊ីតែន ដឹកឈើមួយគ្រឿង នៅសង្កាត់ស្លក្រាម

ខេត្តសៀមរាប៖រថយន្តសណ្តោងស៊ីតែន មួយគ្រឿងត្រូវបានកន្លាំងអាវុធហត្ថខេត្តសៀមរាប បង្ក្រាបបាន។ ហេតុការណ៍បានធ្វើនៅវេលាម៉ោង ១៦និង៣០នាទី​ ថ្ងៃ​ទី​២២​ ខែឧសភា​ ឆ្នាំ២០២០​ នៅ​ចំណុច​ ភូមិ​ធ្ល​កអណ្តូង​ សង្កាត់​ស្ល​ក្រាម​ ក្រុង​សៀមរាប​​​ ខេត្តសៀមរាប។ ការបង្ក្រាបនេះដឹក​នាំ​ដោយ​លោក​ ​វរសេនីយ៍ឯក​ …

Leave a Reply

Your email address will not be published. Required fields are marked *