មាតិកាព័ត៌មាន
Home / ព័ត៌មានជាតិ / ដុតភ្នក់ភ្លើងគោធ្វេសប្រហែស បណ្តាលឲ្យឆេះរោងចិញ្ចឹមគោ អស់ទាំងស្រុងនៅសង្កាត់ជ្រាវ

ដុតភ្នក់ភ្លើងគោធ្វេសប្រហែស បណ្តាលឲ្យឆេះរោងចិញ្ចឹមគោ អស់ទាំងស្រុងនៅសង្កាត់ជ្រាវ

សៀមរាប ៖សមត្ថកិច្ចបានឲ្យដឹងថា ដុតភ្នក់ភ្លើងធ្វេសប្រហែសបណ្តាលឲ្យអគ្គិ ភ័យបានឆាបឆេះរោងចិញ្ចឹមគោ មួយខ្នងទំហំ១២ម៉ែត្រគុណ២៥ម៉ែត្រនិងខូចខាត

ទ្រព្យសម្បត្តិអស់ទាំងស្រុង តែសត្វគោបានប្រឹងរើរួចទាំងអស់។

     ហេតុការណ៍នេះកើតឡើងនៅវេលាម៉ោង២០និង៣០នាទីថ្ងៃទី១៩ខែកក្កដា ឆ្នាំ២០២០ ស្ថិតក្នុងភូមិជ្រាវ សង្កាត់ជ្រាវ ក្រុងសៀមរាប។

     នគរបាលមូលដ្ឋានបានឲ្យដឹងថា មានករណីអគ្គិភ័យ ឆេះរោង ផ្ទុកសម្ភារៈមួយខ្នងទំហំ១២ម៉ែត្រគុណ២៥ម៉ែត្រនិងខូចខាតទ្រព្យសម្បត្តិអស់មួយចំនួនធំ។ជនរងគ្រោះមានឈ្មោះហ៊ុម ប្រឹង ភេទប្រុស អាយុ៥៣ ឆ្នាំ មានទីលំនៅភូមិជ្រាវ សង្កាត់ជ្រាវ ក្រុងខេត្តសៀមរាប។

នគរបាលបន្តថា ដំណើររឿងនៅថ្ងៃទី១៩ ខែកក្កដាឆ្នាំ២០២០វេលាម៉ោងប្រហែល ១៩ និង០០នាទី ជនរងគ្រោះបានដាក់ភ្នក់ភ្លើងគោ រួចក៏មកសម្រាកនៅឯផ្ទះរបស់គាត់មានចម្ងាយប្រហែល១៥០០ ម៉ែត្រ ពីរោងគោរបស់គាត់ លុះដល់ម៉ោង ២០និង៣០ នាទី ក៏ស្រាប់តែមានប្រជា ពលរដ្ឋដែលមានទីលំនៅក្បែរនោះបានខលប្រាប់ ជនរងគ្រោះថារោងគោដែររបស់ខ្លួននៅខាងត្បូងភូមិជ្រាវត្រូវបានភ្លើងឆេះ ភ្លាមៗនោះជនរងគ្រោះបានទៅដល់កន្លែងកើតហេតុពិនិត្យមើលគឺពិតជាមានហេតុការណ៍ដូចដែលអ្នកភូមិបានរៀបរាប់មែនទើបជនរងគ្រោះបានទាក់ទងមកសមត្ថកិច្ចដើម្បីទាក់ទងរថយន្តពន្លត់អគ្គិភ័យចុះមកពន្លត់កន្លែងកើតហេតុ។ការខូចខាតរួមមាន៖រោងគោធ្វើអំពីឈើប្រក់ស័ង្កសីទំហំ១២ម៉ែត្រ x ២៥ម៉ែត្រ,គោយន្តកន្រ្តៃចំនួន២ គ្រឿង,

ទូកស្មាច់ប្រវែង៨ម៉ែត្រចំនួន១។ក្នុងករណីនេះប្រើរថយន្តពន្លត់អគ្គិភ័យអស់ចំនួន២គ្រឿង រថយន្តស្នងការខេត្តនិងអធិការក្រុង៕

About admin

Check Also

សមត្ថកិច្ចកំពុងបើកការសើបអង្កេត ករណីបង្កហិង្សាដោយក្មេងទំនើង១ក្រុម បានជិះម៉តូកាប់ទៅលើយុវជនចំនួន៥នាក់ បណ្តាលឲ្យស្លាប់ម្នាក់របួស៤នាក់

សៀមរាប៖សមត្ថកិច្ចខេត្តសៀមរាប កំពុងបើកការសើបអង្កេត ករណីហិង្សាដោយមានស្ថានទម្ងន់ទោស ដែលបង្កឡើងដោយក្រុងក្មេងទំនើង១ក្រុមបានជិះម៉តូកាប់ទៅលើយុវជនចំនួន៥នាក់បណ្តាលឲ្យស្លាប់ម្នាក់របួស៤នាក់ រួចគេចខ្លួនបាត់។ ហេតុការណ៍បង្កការភ្ញាក់ផ្អើលនេះ បានកើតឡើងនៅវេលាម៉ោង២១និង៣០នាទីថ្ងៃទី១៩ ខែសីហា ឆ្នាំ២០២០ ត្រង់ចំណុចមុខសណ្ឋាគារ សុខាសៀមរាប(៦០ម) ស្ថិតក្នុងភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប។ …

Leave a Reply

Your email address will not be published. Required fields are marked *