មាតិកាព័ត៌មាន

អបអរសាទរខួបអនុស្សាវរីយ៍លើក ទី ៤១ នៃថ្ងៃជ័យជំនះ ៧ មករា

ថ្ងៃទី៧ ខែ មករា ឆ្នាំ ២០២០នេះ គឺជាខួប ៤១ឆ្នាំដែលប្រទេសកម្ពុជាត្រូវបានសង្រ្គោះចេញផុត ពីរបបកម្ពុជាប្រជាធិបតេយ្យ ឬហៅថារបបប្រល័យពូជសាសន៍ខ្មែរក្រហម ដឹកនាំដោយ ប៉ុល ពត ដែលបានប្រែក្លាយកម្ពុជាទៅជាវាលពិឃាតដ៏ខ្មៅងងឹត ដែលមានរយៈពេល ៣ឆ្នាំ ៨ខែ និង ២០ថ្ងៃ ។ របបព្រៃផ្សៃនេះ​ គឺបានធ្វើអោយជីវិតមនុស្សរាប់លាននាក់ត្រូវបានបាត់បង់ជីវិត ហើយប្រទេសជាតិវិនាសអន្តរាយយ៉ាងធ្ងន់ធ្ងរបំផុត។ កាលពី៤១ ឆ្នាំមុន ជាតិនិងប្រជាជនកម្ពុជាគ្រាន់តែ ជាមនុស្សនៅសល់តែដង្ហើមចង្រឹត រង់ចាំតែថ្ងៃស្លាប់មកដល់តែប៉ុណ្ណោះ។ ប៉ុន្តែ ៤១ឆ្នាំ ក្រោយពីបានរំដោះប្រទេសចេញផុត ពីរបបឃោរឃៅព្រៃផ្សៃមួយនេះ កម្ពុជាបានប្រែក្លាយទៅជាប្រទេស មានមុខមាត់ថ្មីតាមរយៈការអភិវឌ្ឍន៍ រីកចម្រេីន​ និងបានសាងកិត្យានុភាពលើឆាកអន្តរជាតិសារជាថ្មីផងដែរ។ ក្នុងខួបអនុស្សាវរីយ៍លើកទី៤១ នៃថ្ងៃជ័យជម្នះ ៧ មករា សូមឱ្យស្មារតីថ្ងៃរំដោះនេះស្ថិតនៅក្នុងក្រអៅបេះដូងមនុស្សគ្រប់រូបៗ និងសូមស្មារតី ៧ មករា ជានិមិត្តរូបនៃសាមគ្គីជាតិ និង មហាគ្រួសារខ្មែរស្ថិតនៅជាអមតៈក្រោមម្លប់សុខសន្តិភាពជានិច្ចនិរន្ត៍៕ អរគុណសន្តិភាព

អានបន្ត»

សម្ដេច ព្រមានមន្ត្រី មួយចំនួន រឿងបញ្ចេញយោបល់ ឲ្យដោះដូរ អភិបាលខេត្ត

ខេត្តកែប៖សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកមិញ ថ្ងៃទី៥ ខែមករា ឆ្នាំ២០២០ នេះ បានអញ្ជើញធ្វើសន្និសីទសារព័ត៌មានបង្ហាញអំពីលទ្ធផលនៃប្រតិបត្តិការរុករកជនរងគ្រោះនៅក្នុងឧប្បទ្ទហេតុបាក់រលំអគារកម្ពស់៧ជាន់ នៅខេត្តកែប កាលពីថ្ងៃទី ៣ មករា ឆ្នាំ ២០២០ កន្លងមកថ្មីៗនេះ។ របាយការណ៍ចុងក្រោយដែលទទួលបានមកទល់ថ្ងៃទី ៥ ខែ មករា ឆ្នាំ ២០២០ វេលាម៉ោង២:០០ នាទីថ្ងៃរសៀលនេះ គឺសរុបជនរងគ្រោះដែលសង្រ្គោះយកចេញបានពីអគារគឺមានចំនួន ៥៩នាក់ ក្នុងនោះមានជនរងគ្រោះស្លាប់៣៦នាក់ (ស្រី១៤នាក់) និងជនរងគ្រោះដែលមានជីវិតនៅរស់គឺមាន ២៣នាក់ (ប្រុស១៥ និងស្រី៨នាក់)។ នៅពេលនេះការសម្អាតគំនរបាក់បែកក៏បានពង្រាបដល់បាតក្រោមផ្ទាល់ដីដែរ។ នាយករដ្ឋមន្ត្រីបានមានប្រសាសន៍ថា ប្រតិបត្តិរុករក និងជួយសង្គ្រោះនេះត្រូវបានបិទបញ្ចប់នៅម៉ោង ១១និង៣៥ នាទីព្រឹក ដោយប្រើរយៈពេល៤៣ម៉ោង។ ឆ្លើយតបទៅនឹងមតិមួយចំនួនដែលបានលើកឡើងថា ហេតុអី្វប្រតិបត្តិការនេះត្រូវប្រើពេលយូរម្ល៉េះ? សម្តេចតេជោ បានបញ្ជាក់ថា យើងមិនអាចធ្វើដោយទទឹងទិសនោះទេ ពោលគឺពេលណាដែលយើងសង្ស័យថាមានអ្នកនៅរស់ គឺយើងត្រូវបញ្ឈប់គ្រឿងចក្រ ហើយត្រូវរកវិធីដើម្បីជួយសង្គ្រោះជីវិតមនុស្ស។ ម្យ៉ាងវិញទៀត យើងក៏ត្រូវគោរពទៅលើសាកសពផងដែរ …

អានបន្ត»

កិច្ចប្រជុំស្តីពីទេសចរណ៍ប្រកបដោយនិរន្តរភាព ខេត្តសៀមរាប រវាងរដ្ឋបាលខេត្តសៀមរាប និងវិនិយោគិនជាតិ-អន្តរជាតិ

ខេត្តសៀមរាប៖នៅក្នុងកិច្ចប្រជុំស្តីពីទេសចរណ៍រវាងរដ្ឋបាលខេត្តសៀមរាប និង វិនិយោគិនជាតិ អន្តរជាតិ នៅថ្ងៃទី០៣ ខែមករាឆ្នាំ២០២០ ឯកឧត្តម ទៀ សីហា អភិបាលខេត្តសៀមរាប គូសបញ្ជាក់ថា រាល់ចំណុចមួយចំនួនដែលបងប្អូនបានលើកមកនេះ គឺត្រូវបានគេធ្វើការវាយប្រហារដល់អាជ្ញាធរខេត្តនាពេលកន្លងមក តាមប្រព័ន្ធព័ត៌មានសង្គម តែមួយចំនួនអាជ្ញាធរខេត្ត ក៏បានកំពុងធ្វើការអនុវត្តទៅតាមគម្រោងប្រចាំឆ្នាំរបស់ខេត្តផងដែរ។ ឯកឧត្តម ទៀ សីហា បានបន្តទៀតថា គឺមានអាជ្ញាធរបីធ្វើការគ្រប់គ្រង គឺតំបន់ដែលមានប្រាង្គប្រាសាទ និង បុរាណដ្ឋានគឺគ្រប់ គ្រងដោយអាជ្ញាធរជាតិអប្សរា ទាំងផ្លូវ និង លំនៅដ្ឋាន , ចំពោះតំបន់បឹងទន្លេសាប គ្រប់គ្រងដោយអាជ្ញាធរបឹងទន្លេ សាប , ផ្ទៃដីនៅសល់គឺគ្រប់គ្រងដោយអាជ្ញាធរខេត្ត គឺខុសពីបណ្តាខេត្តផ្សេងៗ ។ ឯកឧត្តម ទៀ សីហា ក៏បានធ្វើការ បញ្ជាក់ទៀតថា ការជួបជុំរវាងរដ្ឋបាលខេត្ត និង វិនិយោគិនជាតិ អន្តរជាតិនាពេលនេះ គឺដើមី្បស្វែងរកនូវដំណោះស្រាយ ក្នុងការទាក់ទាញភ្ញៀវទេសចរណ៍ ចូលមកទស្សនាកម្សាន្តនៅខេត្តសៀមរាប ប្រកបដោយនិរន្តរភាព ដោយ …

អានបន្ត»

សូមអ្នកដែលនៅជាប់គាំក្នុងគំនរអគារ តស៊ូរដើម្បីផ្តល់ឱកាសអោយក្រុមការងារសង្គ្រោះ បានជួយសង្គ្រោះ

រដ្ឋបាលខេត្តកែបបានឱ្យដឹងថា គិតត្រឹមម៉ោង ៥៖០០ នាទី ព្រឹកថ្ងៃទី០៤ ខែមករា ឆ្នាំ២០២០ ក្រុម​ការ​ងារបានជួយសង្គ្រោះមនុស្សចេញពីគំនរបាក់បែក មានចំនួន ២៣នាក់ ក្នុងនោះស្លាប់ ៥​នា​ក់​ (​ស្ត្រី ៣​នាក់ )​ ក្នុងករណីបាក់រលំអគារមួយដែលកំពុងដំណើរការសាងសង់កម្ពស់ ៦ជាន់ ដែលមានទី​តាំ​ង​ស្ថិតនៅ ភូមិកែប សង្កាត់កែប ក្រុងកែប ខេត្តកែប។ យោងតាមសេចក្ដីប្រកាសព័ត៌មានបានឱ្យដឹងទៀតថា គិមកទល់ពេលនេះ សម្ដេចអគ្គ​ម​ហា​​​សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមជាមួយក្រុម​ការ​​ងារ​ចម្រុះ និងអាជ្ញាធរមូលដ្ឋាន កំពុងបន្តសកម្មភាពរុករក និងជួយសង្គ្រោះជនរង​គ្រោះ​ដែល​កំពុ​ងជាប់ក្នុងអគារបាក់បែកនៃការដ្ឋាន ដែលបានបាក់រលំកាលពីវេលាម៉ោង ៤ និង១៥នាទី កាលពីរសៀ​លថ្ងៃទី០៣ ខែមករា ឆ្នាំ២០២០។ គួររម្លឹកដែរថា កាលពីឆ្នាំ២០១៩កន្លងមក កម្ពុជាបានជួបប្រទះការបាក់រំលំអគារចំនួន​ពីរ​លើ​ក ដែលលើកទីមួយ​ នៅថ្ងៃទី២២ ខែមិថុនា ឆ្នាំ២០១៩ អគារកម្ពស់៧ជាន់ ដែលកំពុង​សា​ង​ស​ង់ នៅខេត្តព្រះសីហនុ បានបាក់រលំ បណ្តាលឱ្យមនុស្សស្លាប់២៨នាក់ …

អានបន្ត»

ប្តី​ កាប់​ប្រពន្ធ​រងរបួស​ធ្ងន់​ ដោយ​សារ​តែ​ចម្រៀង​មួយ​បទ (អ្នកម្តាយកំសត់)

ហេតុ​ការ​ណ៍​ដ៏​គួរ​ឲ្យ​ភ្ញាក់​ផ្អើល​នេះ​ បានកេីត​ឡេីងកាល​ពីយប់ថ្ងៃទី​ ០១ ខែមករា ឆ្នាំ២០២០ នាវេលាម៉ោង ៣:៣០នាទី​ ទាបភ្លឺនារាត្រី​ឆ្លង​ឆ្នាំ​ នៅចំណុចខារ៉ាអូខេ​ សពយុទ្ធជន ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង​ ។ បង្ករឡេីង​ដោយ​ជនសង្ស័យ​ឈ្មោះ អៀង ប៊ុនយឿន (ហៅតុលា) ភេទប្រុស អាយុ ២៥ឆ្នាំ ជនជាតិខ្មែរ បានយក​កាំបិត​តាំង​តោ​​កាប់ប្រពន្ធឈ្មោះ ថូ សុខណា ភេទស្រី​ អាយុ ៣១ឆ្នាំ ជនជាតិ ខ្មែរ មុខរបរ​ បើកខារាអូខេ បណ្តាលឲ្យរងរបួសធ្ងន់​ និងកូនឈ្មោះ​ ឈ្មោះ ទុំ សោភា ភេទស្រី អាយុ ១១ឆ្នាំ មុខរបរ សិស្ស​ រងរបួស​ធ្ងន់​ ត្រូវ​បាន​សង្គ្រោះ​មក​ព្យាបាល​ នៅមន្ទីរពេទ្យ​ខេត្ត​ ចំណែក​ ឯជន​សង្ស័យ​វិញ​ បានជិះ​ម៉ូតូ​រត់​គេច​ខ្លួន​ ក្រោយ​ធ្វេី​សកម្មភាព​រួច​ …

អានបន្ត»

ស្ត្រី​ខ្មែរ​ទី​១ ក្លាយជា​ បើកយន្តហោះ

ស្ត្រី​ខ្មែរ​ទី​១ ក្លាយជា​អាកាសយានិកា គឺកញ្ញា ចិន្តា ដូ​រី ជា​កូន​ខ្មែរ​ម្នាក់ដែល​ពូកែ ដំបូង​ឡើយកញ្ញាចូលបម្រើ​ការងារ​ជានា​រី​អាកាសចរណ៍​ ជា​(​អ្នកបម្រើ​លើ​យន្តហោះ​) ដោយក្តីជំនះនាង​តស៊ូ​ខិតខំ​រៀនសូត្រ​ រហូត​ក្លាយជា​អ្នក​បើក​យន្តហោះ ស្ត្រី​មុន​ដំបូង​គេនៅ​កម្ពុជា ។​ កញ្ញា ចិន្តា ដូ​រី គឺជា​អាកាសយានិកា ខ្មែរ​ទី​១ ដែល​ធ្វើ​ឲ្យ​មហាជន​មានការ​កោតសរសើរ​យ៉ាង​ខ្លាំង ក្នុង​នោះ​ដែរ ក៏​មាន​ក្រសួង​កិច្ចការ​នារី ចូលរួមអបអរសារទរដល់កញ្ញា​ផង​ដែរ ។ ហើយ​កញ្ញា​គឺជា​គំរូ​ដ៏​ល្អ​ម្នាក់​សម្រាប់​យុវតី​ដទៃ​ទៀត ក្នុង​ការ​សម្រេច​ក្ដី​ស្រមៃ​របស់​ខ្លួន​ ។​ ​នេះ​ជា​រឿង​ដ៏​កម្រ​មួយ ​ដែល​នារី​ខ្មែរ​ម្នាក់អាច​ក្លាយទៅជា​អាកាសយានិកា ព្រោះថា ចិន្តា ដូ​រី ធ្លាប់​ជា​និស្សិត​ដែល​បញ្ចប់​ការ​សិក្សា​ផ្នែកបដិសណ្ឋារកិច្ច និង​ទេសចរណ៍ បន្ទាប់​មក​ក៏​បាន​ក្លាយអ្នកបម្រើ​ការ​លើ​យន្តហោះ បាន​ដូច​បំណង ប៉ុន្តែ​កញ្ញា មិន​បាន​បញ្ចប់​ក្តី​ស្រមៃនោះ​ទេ កញ្ញា​បន្ត​រៀនសូត្រ​ ជា​ពី​ឡុ​ត​នៅ​ឯ​ក្រៅប្រទេស ប្រមាណ​ជា​៤​ឆ្នាំ និង​ខិតខំ​ប្រឹងប្រែង​ហ្វឹកហាត់​បន្ថែម រហូត​ដល់​ទទួល​បាន​ជោគជ័យ ក្លាយជា​អ្នក​បើក​យន្តហោះស្ត្រី​ខ្មែរ​ទី​១ ៕

អានបន្ត»

មនុស្ស២នាក់បានស្លាប់ ១៧នាក់រងរបួសធ្ងន់និងស្រាល ក្នុងករណីក្រឡាប់រថយន្តដឹកសម្ភារៈរោងការ

ថ្ងៃទី០៣ខែមករាឆ្នាំ២០២០ ជនរងគ្រោះក្នុងករណីក្រឡាប់រថយន្តដឹកសម្ភារៈរោងការមានចំនួន២នាក់បានស្លាប់ ខណៈដែល១៧នាក់ផ្សេងទៀតរងរបួសធ្ងន់និងស្រាល កំពុងបន្តសង្រ្គោះក្នុងមន្ទីរពេទ្យខេត្តមណ្ឌលគិរី។ រថយន្តដឹកសម្ភារៈ បម្រើដល់កម្មវិធីអាពាហ៍ពិពាហ៍មួយ ក្នុងទឹកដីនៃឃុំប៊ូស្រាស្រុកពេជ្រាដា ហើយក៏ជួបឧប្បទេវហេតុនេះ កាលពីវេលាម៉ោង៦និង៣០នាទីល្ងាចថ្ងៃទី២ខែ មករាឆ្នាំ២០២០ចំណុចអូរតេ ក្នុងភូមិពូក្រូច ឃុំ ស្រែអំពូម ស្រុក ពេជ្រាដា ខេត្ត មណ្ឌលគិរី ក្រឡាប់ដោយខ្លួនឯង។ សមត្ថថកិច្ចបព្ជាក់ថា មូលហេតុ រថយន្ថបើកបរលឿន ក្នុងស្ថានភាពផ្លូវចំចំណោទ និងផ្លូវកោងខ្លាំងដោយតៃកុង ពុំសូវស្គាល់ផ្លូវ   ទើបរេចង្កូតបណ្តាលអោយក្រឡាប់។ រថយន្តរងគ្រោះថ្នាក់ម៉ាក hyundai ព៌ណស ស្លាកលេខ3A 0067ខេត្តក្រចេះ រួមដំណើរសរុបចំនួន១៩នាក់ ស្រី ០៥នាក់ រងរបួសធ្ងន់ស្រាល១៨នាក់  ស្លាប់ស្ត្រីម្នាក់នៅនិងកន្លែងហើយ ដឹកដល់មន្ទីរពេទ្រស្លាប់បុរសម្នាក់ទៀត។ ក្រោយកើតហេតុថ្នាក់ដឹកនាំខេត្តមណ្ឌលគិរីដឹកនាំដោយអភិបាលខេត្តលោកស្វាយសំអ៊ាង បានចុះសួរសុខទុក្ខនិងផ្តល់ប្រាក់ឧបត្ថមមួយចំនួន៕

អានបន្ត»

ម្ចាស់ភោជនីយដ្ឋាន ដំបូងគេដែលបានស្ម័គ្រចិត្តរុះរើសំណង់ ដើម្បីកែលម្អជាមជ្ឈមណ្ឌលបដិសណ្ឋារកិច្ចទេសចរណ៍ មុខប្រាសាទអង្គរវត្ត

សៀមរាប៖ លោកស្រី អៀវ សុភ័ក្រកញ្ញា ជាម្ចាស់ ភោជនីយដ្ឋាន Chez sophéa & Matthieu នៅមុខប្រាសាទអង្គរវត្ត ដែលបានដំណើរការតាំងពីឆ្នាំ១៩៩៣ បានស្ម័គ្រចិត្តរុះរើសំណង់របស់ខ្លួនទាំងស្រុង ហើយប្រគល់ទីតាំងជូនអាជ្ញាធរជាតិអប្សរាអភិវឌ្ឍន៍ ដើម្បីកែប្រែសោភ័ណភាព និងរៀបចំសណ្តាប់ធ្នាប់ មុខប្រាសាទអង្គរវត្ត នៅព្រឹកថ្ងៃទី០២ ខែមករា ឆ្នាំ២០២០ ។ លោកស្រី អៀវ សុភ័ក្រកញ្ញា បានលើកឡើងថា «អង្គរប្រៀបដូចជាផ្ទះខ្ញុំ អង្គរបានជួយខ្ញុំច្រើន ហើយក៏ដល់ពេលដែលខ្ញុំត្រូវជួយអង្គរវិញដែរ។ ខ្ញុំស្ម័គ្រចិត្តដោយរីករាយ នឹងចូលរួមជាមួយអាជ្ញាធរជាតិអប្សរា ដោយមិនមានភាពថ្នាំងថ្នាក់ឬការបង្ខិតបង្ខំ និងការស៊ូកប៉ាន់ណាមួយឡើយក្នុងការរើសំណង់នេះ។ ខ្ញុំដឹងថា អាជ្ញាធរជាតិអប្សរា នឹងកែលម្អទីនេះឱ្យមានសណ្តាប់ធ្នាប់ បរិស្ថានស្អាត មានអនាម័យល្អ ឱ្យមានកន្លែងលក់ដូរស្តង់ដារតែមួយ ដើម្បីលើកមុខមាត់អង្គរ និងប្រទេសជាតិ ព្រមទាំងទាក់ទាញភ្ញៀវទេសចរកាន់តែច្រើនឡើង»។ លោកស្រី ក៏សង្ឃឹមថា អាជីវករទាំងអស់នឹងស្ម័គ្រចិត្តចូលរួមកែលម្អសោភ័ណភាពនិងសណ្តាប់ធ្នាប់មុខប្រាសាទអង្គរវត្ត ដើម្បីឱ្យអាជ្ញាធរជាតិអប្សរាងាយស្រួលអនុវត្តការងារបានទាន់ពេលវេលា ដើម្បីជាប្រយោជន៍រួមទាំងពេលបច្ចុប្បន្ន និងទៅអនាគតឱ្យកាន់តែល្អប្រសើរឡើង។ ឯកឧត្តម យិត ចាន់ដារដ្ឋ …

អានបន្ត»

ក្រុមសមត្ថកិច្ចបានជួយសង្រ្គោះជនរងគ្រោះ១៨នាក់ ស្លាប់៣នាក់ ក្នុងគំនរអគារនៅខេត្តកែប គិតត្រឹមម៉ោង៨៖០០នាទីយប់នេះ

ក្រុមសមត្ថកិច្ចបានជួយសង្រ្គោះជនរងគ្រោះ១៨នាក់ ស្លាប់៣នាក់ ក្នុងគំនរអគារនៅខេត្តកែប គិតត្រឹមម៉ោង៨៖០០នាទីយប់នេះ នៅក្នុងគំនរអគារកម្ពស់៧ជាន់ ដែលរលំបាក់ ស្ថិតនៅក្បែរវត្តសមាធិ ក្នុងក្រុងកែប ខេត្តកែប។ សូមបញ្ជាក់ថា អគារកម្ពស់៧ជាន់ ស្ថិតនៅក្បែរវត្តសមាធិ ក្នុងក្រុងកែប ខេត្តកែប បានបាក់រលំនៅវេលាម៉ោងប្រមាណ ៤៖៣០នាទីល្ងាចថ្ងៃទី០៣ ខែមករា ឆ្នាំ២០២០នេះ។ ជនរងគ្រោះប្រមាណ២០ ទៅ៣០នាក់ ដែលជាកម្មករសំណង់ ត្រូវបានគេសន្និដ្ឋានថា បានជាប់គាំងក្នុងគំនរអគារនេះ។ មានសេចក្តីរាយការណ៍ថា អគារនេះត្រូវបានគេអះអាងថា សាងសង់រួចរាល់ប្រមាណជា ៩០ភាគរយហើយ ដែលបាក់រលំនៅពេលដែលចាក់ប្លង់សេខាងលើបង្អស់។ ពាក់ព័ន្ធនឹងករណីរលំបាក់អគារនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងអញ្ជើញទៅដឹកនាំប្រតិបត្តិការកាយរក ជនរងគ្រោះក្នុងគំនរអគារ៧ជាន់ ដែលបាក់រលំនៅខេត្តកែប ដោយផ្ទាល់តែម្តង៕ បាក់​អគារ​៧​ជាន់ ​នៅ​ជិត​វត្ត​សមាធិ ជាប់​កម្មករ​ប្រមាណ​ជាង៣០​នាក់​នៅ​ក្នុង​នោះ ពេលនេះ សមត្ថកិច្ច​កំពុង​ចុះ​អន្តរាគមន៍​ជួ​យ​សង្គោះ ​អ្នក​ស្ថិត​នៅក្នុង​អគារ​នេះ​ភាគ​ច្រើន ជា​​ជាង​ធ្វើ​អគារ​នេះ នៅក្នុង​នោះ​មាន​ស្ត្រី​ពោះ​ធំ និង​កូនក្មេង​​។

អានបន្ត»

ពលរដ្ឋសង្ស័យថា ស្នងការខេត្តបាត់ដំបងខុបឃិត និងមេភូមិចំការសំរោង១ សង្កាត់ ចំការសំរោង ក្រុងបាត់ដំបងខេត្តបាត់ដំបងកំពុងលួុចលក្ខ័ បើកបៀអាប៉ោងលែងរាប់ឆ្នាំហេីយ យកលុយធ្វើមានបានគ្រប់ៗគ្នា

ខេត្តបាត់ដំបង៖ ពលរដ្ឋឆ្ងល់ថា៖ តើលោកអ៊ុច សុខុនស្នងការខេត្តបាត់ដំបងបានដឹងរឿងនេះដែរឫទេ ឬក៏ ឯកឧត្តមដឹងហើយសំងំធ្វើមិនដឹង ប្រភពពីប្រជាពលរដ្ឋរស់នៅក្នុងភូមិ ចំការសំរោង១បានឲ្យដឹងថា រាល់ថ្ងៃ មានបនល្បែងដុះស្លែមួយកន្លែងនេះ ពុំដែលមានអាជ្ញាធរ ពាក់ព័ន្ធ ណាមានចំណាតការបង្រ្កាបល្បែងនេះឡេីយ។ ល្បែងអាបោងនេះគឺបេីកលែងនៅ ភូមិចំកាសំរោង ១ សង្កាត់ចំការសំរោង ក្រុងបាត់ដំបង ខេត្តបាត់ដំបង ទីតាំងស្ថិតនៅ ខាងលិចវត្តពោធិ៍វង់។ បេីកលែងបានរយ៉ាងរលូនគឺដោយសារមាន អ្នកកាសែតរត់កាបង់អោយ សម្មត្ថកិច្ចប៉ុស្តិ៍រហូតដល់អធិការនិងស្នងការខេត្ត ប្រភពបានបន្តទៀតថា មិនត្រឹមតែប៉ុននោះ ការបេីកលេងនេះ គឺមានអ្នកកាសែត សហការជាមួយនឹងសមត្ថកិច្ច កាងល្បែង ដោយចាំរៀបចំចាត់ចែងមេីលអ្នកកាសែតដូចគ្នានៅពេលពួកគាត់ចុុះមកយកពត៍មាននៅកន្លែងលេងអាប៉ោងនេះផ្ទាល់តែម្តង។ អ្នកកាងល្បែង ឈ្មោះ ជា លោកជាចាងហ្វាង រស្មីតាដំបងគ្រញូង ផ្សំគំនិត ការពារផលប្រយោជន៍ឲ្យបទល្មេីស ប្រព្រឹត្តបានទៅយ៉ាងរលួនដល់សព្វថ្ងៃនេះ ប្រជាពលរដ្ឋរស់នៅក្នុងក្រុងបាត់ដំបងមានការព្រួយបារម្ភយ៉ាងខ្លាំង និងសូមសំណូមពរទៅដល់ សម្ដេចក្រឡាហោមសខេង សូមជួយមើលបន្ត្រី ក្រោមឱវាទនៅក្រុងបាត់ដំបងនេះផង ដើម្បីជួយ ដល់សុវត្ថិភាពប្រជាពលរដ្ឋរស់នៅក្នុង ខេត្តបាត់ដំបងទាំងមូល រស់នៅបានសុខសាន្តសុវត្ថិភាពកុំឲ្យមានចោឆក់ចោរលួចកើតឡើងក្នុងមូលដ្ឋាន ធ្វើឲ្យអ្នកការសែតទាស់គ្នាហែកហួុតាមខ្វេស្សប៊ុកផ្អើលពេញ់ប្រទេស។

អានបន្ត»