មាតិកាព័ត៌មាន

រត់មិនរួច! ចាប់ខ្លួនបុគ្គលិក ភោជនីយដ្ឋានមេបុណ្យ ម្នាក់ភ្លាមៗ ករណីឆក់ទូរសព្ទ ពីជនបរទេស

ខេត្តសៀមរាប៖ជនសង្ស័យម្នាក់ ជាបុគ្គលិកភោជនីយដ្ឋាន មេបុណ្យ ត្រូវបានចាប់ខ្លួនភ្លាមៗ ក្រោយធ្វើសកម្មភាព ឆក់ទូរសព្ទដៃពីជនបរទេស។ ហេតុការណ៍បានកើតឡើងនៅវេលាម៉ោង០៨និង៤០នាទី ថ្ងៃទី១៧ខែកុម្ភ:ឆ្នាំ២០២០នៅចំណុចមុខប្រាសាទក្រវ៉ាន់ ស្ថិតក្និងភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាប។ អធិការនគរបាលក្រុងសៀមរាប បានឲ្យដឹងថាជនសង្ស័យ ចាប់ខ្លួនដោយ កម្លាំងប៉ុស្ដិ៍នគរបាលនគរធំ សហការជាកម្លាំងគោលដៅរបស់អង្គភាពបេតិកភ័ណ្ឌ ក្រោយធ្វើសកម្មភាពឆក់ទូរសព្ទពីភ្ថៀវទេសចរណ៍ជាជាតិអង់គ្លេស ភេទប្រុស។ អធិការក្រុងសៀមរាបបានបន្តឲ្យដឹងទៀតថាជនសង្ស័យឈ្មោះ ទុន ទុយ ភេទប្រុស អាយុ២៨ឆ្នាំ  មុខរបរចុងភៅ(កូនកាំបិត) នៅភោជនីយដ្ឋាន មេបុណ្យ ស្រុកកំណើត នៅភូមិស្គារស្រុក ឃុំព្រៃឈរ ស្រុកស៊ីធរកណ្ដាល ខេត្តព្រៃវែង។ បច្ចុប្បន្ន ស្នាក់នៅបន្ទប់ជួលក្នុងភូមិសាលាកន្សែង សង្កាត់ស្វាយដង្គុំ ក្រុងសៀមរាប ខេត្តសៀមរាប។ បើតាមអធិការក្រោយយកជនសង្ស័យ មកដល់ប៉ុស្ដិ៍នគរបាលរដ្ឋបាលកម្លាំងផ្នែកជំនាញ នគរបាលក្រុងសៀមរាបបានពិនិត្យឃើញថាជនសង្ស័យ បានប្រើប្រាស់ដោយខុសច្បាប់នូវសារធាតុញៀន និងសារភាពថាខ្លួនពិតជាបានធ្វើសកម្មភាពឆក់ទូរសព្ទដៃពីភ្ងៀវទេសចរណ៍ពិតប្រាកដមែនម៉ាកIPhone 10XR ពណ៌ខ្មៅ។ ក្រោយសាកសួររបស់កម្លាំងប៉ុស្ដិ៍ មន្ត្រីនគរបាលផ្នែកព្រហ្មទណ្ឌក្រុង និងនគរបាលអង្គភាពទេសចរណ៍ បានដកហូតវត្ថុតាង(ទូរសព្ទដៃ) និងធ្វើការប្រគល់យកទៅអោយជនរងគ្រោះទៅថែរក្សា ប្រើប្រាស់វិញ។ …

អានបន្ត»

នាំគ្នាស្តាលូនៅសង្កាត់ស្វាយដង្គំ រួចអ្នកគ្រប់គ្រង និងបុគ្គលិក សហគ្រាសម៉ាដាម ឃ្លីន ត្រូវបានអាជ្ញាធរហៅជួបសំណេះសំណាល!

  សៀមរាប៖លោកអភិបាលក្រុងសៀមរាបលោកនួន ពុទ្ធារ៉ា និងអាជ្ញាធរសង្កាត់ស្វាយដង្គំ បានជួបសំណេះសំណាលជាមួយគណៈគ្រប់គ្រង និងបុគ្គលិក សហគ្រាសម៉ាដាម  ឃ្លីន នាព្រឹកថ្ងៃទី១៧ខែកុម្ភៈឆ្នាំ២០២០នេះ បន្ទាប់ពីបានឃើញនូវសកម្មភាព ចូលរួមកិច្ចការងារសង្គម  តាមរយៈធ្វើការប្រមូលសំរាម ចេញពីក្នុងប្រពន្ធ័ លូបង្ហូរទឹកស្អុយ ក្នុងសង្កាត់ស្វាយដង្គំ កាលពីថ្ងៃទី១៤ខែកុម្ភៈឆ្នាំ២០២០កន្លងទៅ ។ ក្នុងឪកាសជួបសំណេះសំណាលនេះដែរលោកនួន ពុទ្ធារ៉ា អភិបាលក្រុងសៀមរាប ក៏បាននាំពាក្យ របស់ លោកទៀ សីហា អភិបាលខេត្តសៀមរាប ថ្លែងកោតសរសើរ និងអរគុណ ចំពោះទឹកចិត្តចូលរួមថែរក្សាបរិស្ថាន របស់គណៈគ្រប់គ្រង និងបុគ្គលិក សហគ្រាសម៉ាដាម  ឃ្លីន។ប៉ុន្តែលោកអភិបាលខេត្ត ក៏បានផ្តាំឲ្យធ្វើការណែនាំ  គិតគូរអំពីបញ្ហាសុខភាពរបស់ បុគ្គលិក ដែលស្មគ្រ័ចិត្តចូលរួមផងដែរ។ព្រោះការចុះ ទៅក្នុងទឹក កខ្វក់បែបនេះ គឺមានហានិភ័យចំពោះសុខភាពខ្លាំងណាស់។ ដោយឡែកកងកម្លាំង និងមន្ត្រីជំនាញទាំងអស់ ដែលទទួលខុសត្រូវលើបញ្ហាបរិស្ថាន ក៏ត្រូវបង្កើនការ ទទួលខុសត្រូវ  នូវរាល់កិច្ចការរបស់ខ្លួន ហើយ  ត្រូវណែនាំនិងហាម បងប្អូនប្រជាពលរដ្ឋ កុំឲ្យប្រថុយប្រថានធ្វើការងារដែលមានហានិភ័យ បែបនេះទៀតដាច់ខាត។ …

អានបន្ត»

ដំណាំស្វាយចន្ទី បានផ្តល់ការងារដល់ពលរដ្ឋ បញ្ជៀសការធ្វើចំណាកស្រុក ដោយប្រថុយប្រថាន

សៀមរាប៖ ដំណាំស្វាយចន្ទីនៅស្រុកជីក្រែង ខេត្ដសៀមរាប នៅលើផ្ទៃដីប្រមាណជាង ជិតមួយពាន់ហិកតា បានចាប់ផ្ដើមប្រមូលផល ទិន្នផលឆ្នាំ២០២០នេះ មានភាពល្អប្រសើរជាងឆ្នាំ២០១៩ បើប្រៀបធៀបរយ:ពេលនៃការផ្តល់ផល លើកដំបូងដូចគ្នានេះ។ លោក ហ៊ុយ ភៀវ ប្រធានសភាពាណិជ្ជកម្ម ខេត្ដសៀមរាប ខេត្តឧត្ដរមានជ័យ និងជាម្ចាស់ចំការស្វាយចន្ទី បានឲ្យដឹងកាលពីថ្ងៃទី១៦ ខែកុម្ភៈឆ្នាំ២០២០នេះថា ពេលនេះកសិករដែលប្រកបរបរដាំដំណាំស្វាយចន្ទី បានប្រមូលផលលើកដំបូងហើយនៅដើមឆ្នាំ២០២០នេះ ដែលទិន្នផលគ្រាប់ស្វាយចន្ទី ហាក់ប្រសើរជាងឆ្នាំមុន ដោយសារដើមស្វាយចន្ទីរមានភាពលូតលាស់ធំជាងមុន ហើយការថែទាំងក៍បានល្អ និងធ្វើរតាមបច្ចេកទេស។ លោកបានបន្ដថា ចំពោះតម្លៃនៅមិនទាន់ដឹង ច្បាស់លាស់នៅឡើយទេ កាលពីឆ្នាំមុនលោកហាលគ្រាប់ស្វាយចន្ទី រក្សាទុកនៅរដូវចុងដៃនៃការប្រមូលផលចប់ ទើបលក់ចេញក្នុងតម្លៃមួយគីឡូគ្រាមលើលើសពី៨០០០រៀលឡើងទៅ ខណៈដែលគ្រាប់ស្វាយចន្ទីរនោះបានហាលស្ងួតល្អ។ លោក ហុយ ភៀវ ដែលជាម្ចាស់ចម្ការបានឲ្យដឹងទៀតថា តាមការកត់សម្គាល់តម្លៃគ្រប់ស្វាយចន្ទី ដែលចាប់ផ្ដើមប្រមូលផលដំបូង ត្រូវបានលក់ចេញអោយឈ្មួញទិញនៅចម្ការ មួយគីឡូក្រាមពី ៥០០០រៀល ពេលខ្លះឈ្មួញទំលាក់ថ្លៃក្រោម៥០០០រៀល ហើយពេលខ្លះឡើងលើសពីនោះទៀត។ លោក មិន ជួប ជាមេឃុំពង្រលើ ស្រុកជីក្រែង បានអោយដឹងថានៅរដូវប្រមូលផលដំណាំស្វាយចន្ទីនេះ …

អានបន្ត»

មេភូមិស្គន់ ខេត្តសៀមរាប ប្រឈមនឹងអស់តួនាទី បន្ទាប់ពីរកឃើញ កំហុស មិនរាយការណ៍ បទល្មើស កាប់ព្រៃឈើ

ខេត្តសៀមរាប៖នៅទីបំផុតមេភូមិស្គន់ ឃុំត្បែង ស្រុកបន្ទាយស្រី ខេត្តសៀមរាប ថ្នាក់ដឹកនាំ អាចសម្រេចដកតួនាទី បន្ទាប់ពីរកឃើញកំហុស មិនរាយការណ៍ ពាក់ព័ន្ធ កាប់ទន្ទ្រានព្រៃឈើ។ អភិបាលស្រុកបន្ទាយស្រី លោកឃឹម ហ្វីណង់ បានសរសេរលើទំព័រហ្វេសប៊ុកផ្លូវការរបស់លោកនៅរសៀលថ្ងៃនេះថា៖ ចំណាត់ការបឋមចំពោះអ្នកពាក់ព័ន្ធនឹងករណីលួចទន្ទ្រានកាប់ព្រៃកោងកាងលិចទឹកនិងព្រៃក្បាលជប់ នៅក្នុងភូមិស្គន់ ឃុំត្បែង ស្រុកបន្ទាយស្រី។ ក្រោយពីបានត្រួតពិនិត្យឯកសារយ៉ាងម៉ត់ចត់និងប្រមូលព័ត៌មានបានពេញលេញរួចមក យើងអាចសន្និដ្ឋានបានថា៖ អ្នកមានទោសកំហុសមុនគេគឺមន្ត្រីនៅក្នុងភូមិស្គន់។ ខុសដោយសារមិនបានរាយការណ៍ ខុសដោយឆ្លើយថាមិនដឹង ទោះបីជាបទល្មើសនេះបានកើតឡើងជាងមួយសប្តាហ៍នៅក្នុងតំបន់ដែលខ្លួនគ្រប់គ្រង និងមានទ្រង់ទ្រាយធំនៅក្នុងភូមិ រហូតដល់អ្នកភូមិអស់ជំនឿចិត្ត ទើបសម្រេចចិត្តរាយការណ៍ដោយផ្ទាល់មកខ្ញុំជំនួសវិញ។ លោកឃឹម ហ្វីណង់ បញ្ជាក់ថាខ្ញុំបានតម្រូវឲ្យមេភូមិចេញលិខិតទទួលស្គាល់ទោសកំហុសរបស់ខ្លួនចំពោះការដែលមិនបានបំពេញតួនាទីការងារឲ្យបានត្រឹមត្រូវ។ លិខិតនេះនឹងក្លាយទៅជាមូលដ្ឋានគ្រឹះសម្រាប់ក្រុមប្រឹក្សាឃុំត្រួតពិនិត្យតួនាទីរបស់គាត់ឡើងវិញតាមនីតិវិធីច្បាប់ ប្រសិនបើបន្តមានទោសកំហុសផ្សេងៗទៀតនៅថ្ងៃខាងមុខ។ លោកអភិបាលបានបន្តថាមានប្រជាពលរដ្ឋ២គ្រួសារ ដែលជាអ្នកប្រព្រឹត្តបទល្មើសនេះដោយផ្ទាល់ ដោយកាប់ព្រៃលិចទឹកទន្ទ្រានយកដីទាំងគ្មានឯកសារកាន់កាប់ ទោះបីជាបានដឹងហើយថាដីនេះគឺជាព្រៃក្បាលជប់ ដែលនៅមានទឹកជប់ចេញនិងនៅមានព្រៃគ្រប់ដណ្តប់នៅឡើយ។ គ្រួសារទាំង២នេះត្រូវចុះកិច្ចសន្យាប្រគល់ដីទាំងនោះជូនរដ្ឋវិញ និងត្រូវបង់ថ្លៃពិន័យការខូចខាតព្រៃក្នុងចំនួនកំណត់ដោយរដ្ឋបាលព្រៃឈើ យ៉ាងយូរបំផុតក្នុងរយៈពេលមួយសប្តាហ៍ ដើម្បីយកមកប្រគល់ជូនសហគមន៍នៅក្នុងភូមិស្គន់ ធ្វើការដាំនិងស្តារព្រៃលិចទឹកដែលបានកាប់បំផ្លាញនេះឡើងវិញ។ បើតាមលោកឃឹម ហ្វីណង់ សូមបញ្ជាក់ថា ចំណាត់ការនេះគឺធ្វើឡើងដោយមានការថ្លឹងថ្លែងនិងយោគយល់ខ្ពស់បំផុត ហើយចាត់ទុកជាការជូនដំណឹងលើកទី១និងលើកចុងក្រោយផងដែរ។ រាល់បទល្មើសក្រោយៗនៅក្នុងស្រុកបន្ទាយស្រីចាប់ពីថ្ងៃនេះទៅ រដ្ឋបាលស្រុកនឹងចាត់វិធានការតាមផ្លូវច្បាប់យ៉ាងតឹងរឹងបំផុត មិនថាចំពោះប្រជាពលរដ្ឋប្រព្រឹត្តបទល្មើសឬចំពោះមន្ត្រីពាក់ព័ន្ធឡើយ។ …

អានបន្ត»

ស្ត្រីម្ចាស់ហាង អង្គរស្ត្រាប់និងស្បាថា៖ តស៊ូពីលុយ២០ដុល្លារ រហូតទទួលបានជោគជ័យ ក្នុងជីវិតគួរជាទីមោទនៈ

សៀមរាប៖ក្នុងភាពជាស្ត្រីមេម៉ាយ កូន២ មានដើមកំណើតនៅភូមិសាលាកំរើក សង្កាត់សាលាកំរើក ក្រុងសៀមរាប បានប្រឹងប្រែងតស៊ូពីលុយ២០ដុល្លារ ដោយដៃម្ខាងធ្វើជាម្តាយផងឪពុកផងនិងដៃម្ខាងទៀតប្រកបរបរជាម្ចាស់ហាងកែសម្ភស្សស្ត្រី នៅផ្ទះរបស់ខ្លួន រហូតទទួលបានជោគជ័យ ក្នុងគ្រួសារគួរជាទីមោទនៈ។ ម្ចាស់ហាង អង្គរស្ត្រាប់និងស្បា គឺអ្នកស្រី ឃូយ មរកត បានឲ្យដឹងនៅព្រឹកថ្ងៃទី១៤ ខែកុម្ភៈ ឆ្នាំ២០២០នេះថា គាត់ទទួលបានជោគជ័យរហូតមកដល់ថ្ងៃនេះ គឺផ្តើមចេញពីបាតដៃទទេ ដោយខ្លួនជាស្ត្រីមេម៉ាយកូន២ ត្រូវមានភារកិច្ចចិញ្ចឹមកូន ឆ្លៀតធ្វើការងារឲ្យលុយដោយខ្លួនឯង ដើម្បីចិញ្ចឹមកូននិងសន្សំលុយខ្លះយកមក ពង្រីកមុខរបរបន្តិចម្តងៗ ក្នុងហាង អង្គរស្ត្រាប់និងស្បាដែលមានទទួលស្ក្រាប់ស្បែក ស្ទីម និងឆ្ពុងបែបធម្មជាតិ នៅលំនៅដ្ឋានរបស់ខ្លួន ផ្ទាល់នៅភូមិសាលាកំរើក សង្កាត់សាលាកំរើក ក្រុងសៀមរាប។ អ្នកស្រីបន្តថា ដោយសារគាត់ពិបាកចិត្តធ្វើឲ្យសម្រស់របស់គាត់មិនសូវស្អាត ទើបគាត់ប្រឹងប្រែងស្រាវជ្រាវ និងសិក្សាបន្ថែម ពីការថែរក្សាសម្ភស្ស ធ្វើឲ្យគាត់មានបទពិសោធន៍ និងអាចឈានទៅដល់ការផលិតធាតុផ្សំផ្សេងៗតាមបែបធម្មជាតិ ធ្វើឲ្យសម្រស់ស្រស់ស្អាត។អ្នកស្រីបន្តថា ដោយសារមានបទពីសោធន៍បែបនេះទើប អ្នកស្រី បានរកធាតុផ្សំ តាមបែបបុរាណខ្មែរ មកកែឆ្នៃ ឲ្យបានកាន់តែល្អថែមទៀត។អ្នកស្រីបញ្ជាក់ថា បន្ទាប់ពីធ្វើការបានលុយខ្លះមក អ្នកស្រីក៏ បានផលិត …

អានបន្ត»

ស្ត្រីម្ចាស់ហាង អង្គរស្ត្រាប់និងស្បាថា៖ តស៊ូពីលុយ២០ដុល្លារ រហូតទទួលបានជោគជ័យ ក្នុងជីវិតគួរជាទីមោទនៈ

សៀមរាប៖ក្នុងភាពជាស្ត្រីមេម៉ាយ កូន២ មានដើមកំណើតនៅភូមិសាលាកំរើក សង្កាត់សាលាកំរើក ក្រុងសៀមរាប បានប្រឹងប្រែងតស៊ូពីលុយ២០ដុល្លារ ដោយដៃម្ខាងធ្វើជាម្តាយផងឪពុកផងនិងដៃម្ខាងទៀតប្រកបរបរជាម្ចាស់ហាងកែសម្ភស្សស្ត្រី នៅផ្ទះរបស់ខ្លួន រហូតទទួលបានជោគជ័យ ក្នុងគ្រួសារគួរជាទីមោទនៈ។ ម្ចាស់ហាង អង្គរស្ត្រាប់និងស្បា គឺអ្នកស្រី ឃូយ មរកត បានឲ្យដឹងនៅព្រឹកថ្ងៃទី១៤ ខែកុម្ភៈ ឆ្នាំ២០២០នេះថា គាត់ទទួលបានជោគជ័យរហូតមកដល់ថ្ងៃនេះ គឺផ្តើមចេញពីបាតដៃទទេ ដោយខ្លួនជាស្ត្រីមេម៉ាយកូន២ ត្រូវមានភារកិច្ចចិញ្ចឹមកូន ឆ្លៀតធ្វើការងារឲ្យលុយដោយខ្លួនឯង ដើម្បីចិញ្ចឹមកូននិងសន្សំលុយខ្លះយកមក ពង្រីកមុខរបរបន្តិចម្តងៗ ក្នុងហាង អង្គរស្ត្រាប់និងស្បាដែលមានទទួលស្ក្រាប់ស្បែក ស្ទីម និងឆ្ពុងបែបធម្មជាតិ នៅលំនៅដ្ឋានរបស់ខ្លួន ផ្ទាល់នៅភូមិសាលាកំរើក សង្កាត់សាលាកំរើក ក្រុងសៀមរាប។   អ្នកស្រីបន្តថា ដោយសារគាត់ពិបាកចិត្តធ្វើឲ្យសម្រស់របស់គាត់មិនសូវស្អាត ទើបគាត់ប្រឹងប្រែងស្រាវជ្រាវ និងសិក្សាបន្ថែម ពីការថែរក្សាសម្ភស្ស ធ្វើឲ្យគាត់មានបទពិសោធន៍ និងអាចឈានទៅដល់ការផលិតធាតុផ្សំផ្សេងៗតាមបែបធម្មជាតិ ធ្វើឲ្យសម្រស់ស្រស់ស្អាត។អ្នកស្រីបន្តថា ដោយសារមានបទពីសោធន៍បែបនេះទើប អ្នកស្រី បានរកធាតុផ្សំ តាមបែបបុរាណខ្មែរ មកកែឆ្នៃ ឲ្យបានកាន់តែល្អថែមទៀត។អ្នកស្រីបញ្ជាក់ថា បន្ទាប់ពីធ្វើការបានលុយខ្លះមក អ្នកស្រីក៏ …

អានបន្ត»

សង្វេកណាស់!ត្រៀមចូលរោងការថ្ងៃខាងមុខនេះហើយ បែជាបាក់ដីសង្កត់កូនកំលោះស្លាប់

សៀមរាប÷ពិតជាសង្វេក គូរដណ្តឹងដែលនិងត្រូវចូលរោងការនៅថ្ងៃ១៨ខែមីនាខាងមុខ នេះ ត្រូវដីបាក់សង្កត់កូនកំលោះស្លាប់ បន្សល់កូនក្រមុំអោយសោកសៅម្នាក់ឯង។      ហេតុការណ៍ដ៍អកុសលនេះ បាកើតកាលពីថ្ងៃទី ១២ ខែ កុម្ភះ ២០២០ នៅចំណុចគោកស្រែសាម៉ ខាងជើងភូមិចំងាយ ១០០០ម៉ែត្រ ក្នុងភូមិ ត្រាំកង់ ឃំុស្លែងស្ពាន ស្រុកស្រីស្នំ ខេត្តសៀមរាប។       លោកឧត្តមសេនីយ៍ត្រីភឹង ចិន្តារ៉េត ស្នងការងទទួលផែនព្រហ្មទណ្ឌ បានអោយដឹងថា ជនរងគ្រោះឈ្មោះ ណិត ចាប  ភេទប្រុស ២៣ឆ្នាំ ស្រុកកំណើតនៅភូមិ ជ្រាបចាស់ ឃំុជប់វារី ស្រុកព្រះនេត្រព្រះ ខេត្តបន្ទាយមានជ័យ មុខរប រកសិករ ។ បច្ចុប្បន្នរស់នៅ( គោកត្រម៉េង)ភូមិ ត្រាំកង់ ឃំុស្លែងស្ពាន ស្រុកស្រីស្នំ ខេត្តសៀមរាប។ លោកបន្តថា កាលពីថ្ងៃទី១២ កុម្ភះ …

អានបន្ត»

អ្នកនាំពាក្យៈអាជ្ញាធរជាតិអប្សរានឹងដាក់តាំងបង្ហាញសមិទ្ធិផលដែលសម្រេចបានក្នុងរយៈ ពេល២៥ឆ្នាំ

សៀមរាប÷អាជ្ញាធរជាតិអប្សរា នឹងដាក់តាំងបង្ហាញសមិទ្ធិផលរបស់ខ្លួន ដែលសម្រេចបានក្នុងរយះពេល២៥ឆ្នាំ ដល់មហាជន នៅទីតាំងចំនួនពីរក្នុងរមណីយដ្ឋានអង្គរ។      អ្នកនាំពាក្យអង្គភាពអាជ្ញាធរជាតិអប្សរា លោកឡុង កុសល បានថ្លែងក្នុងសន្និសិទកាសែត នៅមុខប្រាសាទអង្គរថា អាជ្ញាធរអប្សរាបានត្រៀមរួចរាល់ហើយ សម្រាប់ការដាក់តាំងបង្ហាញ នូវសមទ្ធិផលដែលសម្រេចបាន ពីការអនុវត្តក្នុងតំបន់រមណីយដ្ឋានអង្គរ រយះពេល២៥ឆ្នាំកន្លងមកនេះ។ ចំពោះទីតាំងដែលត្រូវដាក់បង្ហាញ មានចំនួនពីរ ទី១នៅមុខប្រាសាទអង្គរវត្ត និងទី២ នៅបរិវេណព្រលានជល់ដំរី ដែលធ្វើឡើងចំនួនប្រាំពីរថ្ងៃ គឺចាប់ពីថ្ងៃទី១៥ដល់២២ខែកុម្ភះឆ្នាំ២០២០។   លោកបាន លើកឡើទៀតថា ក្នុងរយៈពេល២៥ឆ្នាំនៃការបង្កើត អាជ្ញាធរជាតិអប្សរា គឺយើងសម្រេចបាននូវសមិទ្ធផលជាច្រើន ដែលរួមមានការងារអភិរក្សជួសជុលប្រាង្គប្រាសាទ ការអភិវឌ្ឍវិស័យទេសចរណ៍ ការស្តារ និងដាក់ឱ្យប្រើប្រាស់ឡើងវិញនូវប្រព័ន្ធធារាសាស្ត្របុរាណសម័យអង្គរ ការជួសជុល និងកសាងប្រព័ន្ធហេដ្ឋារចនាសម្ពន្ធរូបវន្តនានា ជាពិសេសកិច្ចការសហគមន៍ក្នុងក្រុង/ស្រុកទាំង៥ នៃរមណីយដ្ឋានអង្គរ។ ទាំងអស់នេះ បាននិងកំពុងចូលរួមចំណែកលើកកម្ពស់ធ្វើឱ្យកម្រិតជីវភាពរបស់ប្រជាពលរដ្ឋក្នុងតំបន់ មានការប្រែប្រួល និងរីកចម្រើនគួរឱ្យកត់សម្គាល់។      ជាមួយគ្នានោះ អាជ្ញាធរជាតិអប្សរា នឹងរៀបចំស្តង់ផ្តល់ព័ត៌មាន ដោយដាក់មន្ត្រីជំនាញនៅប្រចាំ ដើម្បីឆ្លើយសំណួរទូទៅ ស្តីពីសមិទ្ធផល  …

អានបន្ត»

ការពារព្រៃសហគមន៍ដើម្បីរក្សាទុកព្រៃឈើ មិនមែនដើម្បីបំផ្លាញនោះទេ!

សៀមរាប៖ កិច្ចប្រជុំពិភាក្សាជុំវិញ រឿងកាយព្រំប្រទល់​ព្រៃសហគមន៍ឆ្កែលូ វត្តមានឯកឧត្តម ឧត្តមសេនីយ៍ឯក ពៅ ស៊ា នាយកមជ្ឈមណ្ឌលអភិវឌ្ឍន៍យោធិនពិការសម្តេចតេជោ​ហ៊ុន សែន គូលេន៣១៧សៀមរាប និងក្រុមការងារ លោក ប្រាក់ ម៉ារីណា តំណាងមន្ទីរកសិកម្ម និងតំណាងរដ្ឋបាលព្រៃឈើរ ខេត្តសៀមរាប និងក្រុមការងារ លោកមេឃុំ លោកប្រធានសហគមន៍ និងប្រជាពលរដ្ឋប្រម៉ាណជិត១០០នាក់បានចូលរួម នៅបរិវេន្ត ព្រៃសហគមន៍ឆ្កែលូ ដែលមានផ្ទៃដីសរុបចំនួន៩៩ហិតាស្ថិតក្នុងភូមិក្រពើឃុំបាល័ង្គស្រុកប្រាសាទបាគង ខេត្តសៀមរាប នាថ្ងៃសុក្រ១៤កើតខែមាឃឆ្នាំកុរ ព ស ២៥៦៣ ត្រូវនឹងថ្ងៃទី០៧ ខែគុម្ភៈ ឆ្នាំ២០២០។ លទ្ធផលក្នុងកិច្ចប្រជុំពិភាគ្សានេះ ប្រជាពលរដ្ឋក្នុងសហគមន៍ បានឯកភាពគ្នាអោយ ឯកឧត្តម ពៅ ស៊ា និងក្រុមការងារ ដាក់គ្រឿងច័ក្រ ដើម្បីចុះកាយព្រំ ជុំវិញព្រៃសហគមន៍ឆ្កែលូ។ ក្នុងនោះពួកគាត់បានលើកឡើងថា៖​​ ពេលកន្លងមកសហគមន៍មិនមានលទ្ធភាពក្នុងការចំណាយដើម្បីកាយព្រុំនោះទេ ពេលនេះបានឯកឧត្តម ពៅ ស៊ា ចុះជួយយ៉ាងនេះពួកគាត់ពិតជាត្រេកអរខ្លាំងណាស់។ លោក ប្រាក់ …

អានបន្ត»

វគ្គបណ្តុះបណ្តាល ស្តីពីច្បាប់របបសារព័ត៌មាន

សៀមរាប៖ វគ្គបណ្តុះបណ្តាល ស្តីពីច្បាប់របបសារព័ត៌មាន នៅសណ្ឋាគារ ម៉េមរ័ នៅល្ងាចម៉ោង ៤,30/នៅថ្ងៃទី / ៦/ ០២ / ២០២០ ក្រោមអធិបតីភាព លោកលីវ សុខុន ជំនួយការផ្ទាល់ ក្រសួងព័ត៌មាន និងជាប្រធានមន្ទីរព័ត៌មានខេត្តសៀមរាប  លោកប្រធានឣង្កការ ជំនួយផ្នែកច្បាប់នៅកម្ពុជា ព្រមទាំងកញ្ញាលីសាជាគ្រូ ផ្នែកច្បាប់មកពីប្រទេសអូស្ត្រាលីនិងជា និស្សិតនៃសកលវិទ្យាល័យច្បាប់ព្រមទាំង មេធាវីផ្នែកការពាច្បាប់អង្គការ និងតំណាង សាលាខេត្តសៀមរាបផងដែរ វគ្គបណ្តុះបណ្តាលនេះ បានប្រព្រឹត្តទៅពេញមួយថ្ងៃ ក្រោមបរិយាកាស ស្នឹតស្នាល បំផុតដោយមាន អ្នកសារព័ត៌មានចូលរួមសរុប 18នាក់ បានចូលរួម។ ជាចុងបញ្ចប់ លោក លីវ សុខុន ប្រធានមន្ទីរព័ត៌មានខេត្តសៀមរាប បានមានមតិសំណេះសំណាល និងផ្តាំផ្ញើ ដល់អ្នក់សារព័ត៌មាន ធ្វើយ៉ាងណា ត្រូវចូលរួមប្រយុទ្ធប្រឆាំង ព័ត៌មានក្លែងក្លាយ និងគោរពក្រមសីលធម៌វិជ្ជាជីវះ និងច្បាប់ស្តីពីរបបអ្នក់សារព័ត៌មាន។ ដោយប៉ាតសុខ

អានបន្ត»