មាតិកាព័ត៌មាន

ពលរដ្ឋ២នាក់ចុះស្តាអណ្តូងលូ បណ្តាលឲ្យស្លាប់យ៉ាងអណោចអធ័ម

    សៀមរាប៖សមត្ថកិច្ចបានឲ្យដឹងថា ពលរដ្ឋចំនួន៣នាក់បាននាំគ្នាស៊ីឈ្នួលចុះស្តាអណ្តូងលូចាស់ បណ្តាលឲ្យស្លាប់ចំនួន២នាក់ឯម្នាក់ទៀតរួចខ្លួន ដោយសារខ្វះអ៊ុក ស៊ីសែន។ ហេតុការណ៍បង្កការភ្ញាក់ផ្អើលនេះកើតឡើងនៅវេលាម៉ោង ៧ព្រឹកថ្ងៃទី២៥ខែមេសា ឆ្នាំ២០២០ ស្ថិតនៅតាមបណ្តោយផ្លូវជាតិលេខ៦ ក្នុងភូមិឪឡោកឃុំបាគង ស្រុកប្រាសាទបាគង ខេត្តសៀមរាប។  លោកវរសេនីយ៍ទោ លឹម សម្បត្តិ អធិការនគរបាលស្រុកប្រាសាទបាគង បានឲ្យដឹងថា ករណីចុះស្ដា អណ្ដូងដែលមានជម្រៅ៧ម៉ែត្រនៅភូមិឪឡោក ឃុំបាគង បណ្ដាលឲ្យមានមនុស្សស្លាប់ចំនួន២នាក់។ទី១.ឈ្មោះឈុត.ស៊ានភេទប្រុសអាយុ៣៩ឆ្នាំ រស់នៅនៅភូមិឪឡោក បាគងស្រុកប្រាសាទបាគង។ទី២.ឈ្មោះយឿម.រ៉ាត់ភេទប្រុសអាយុ៤៧ឆ្នាំ រស់នៅភូមិស្ទឹង ឃុំបាគងស្រុកប្រាសាទបាគង។ចំណែកម្ចាស់ផ្ទះមានឈ្មោះធិត.សួន(ហៅ)ប៉ក់ភេទស្រីអាយុ៤៥ឆ្នាំនៅភូមិឪឡោកជាអ្នកជួលក្នុង១នាក់តម្លៃ៣០០០០រៀល។លោកបន្តថា    តាមការសន្និដ្ឋាននិងធ្វើកោសល្យវិច័យ បានឲ្យដឹងថា  ករណីស្លាប់នេះគឺបណ្តាលមកពីខ្វះ អ៊ុកស៊ីសែនដកដង្ហើម ក្នុងអណ្តូងលូ ។លោកបន្ថែមថាបន្ទាប់ពីសមត្ថកិច្ចធ្វើកោសល្យវិច័យរួច ក៏ប្រគល់សពទាំង២ទៅឲ្យក្រុមគ្រួសារធ្វើបុណ្យតាមប្រពៃណី៕

អានបន្ត»

នគរបាលខេត្តកែប បង្ក្រាបករណីជួញដូរ ចែកចាយនិងប្រើប្រាស់គ្រឿងញៀន បញ្ជូនទៅតុលាការ

ខេត្តកែប៖ អនុវត្តន៍តាមការដឹកនាំចង្អុលបង្ហាញពីលោកឧត្តមសេនីយ៍ត្រី បែន តារា ស្នងការនគរបាលខេត្តកែប ល្ងាចថ្ងៃទី២០ ខែ០៤ ឆ្នាំ២០២០ ការិយាល័យប្រឆាំងគ្រឿងញៀន សហការជាមួយកំលាំងអធិការនគរបាលក្រុងកែប និងកំលាំងអន្តរាគមន៍ពិសេស នៃស្នងការដ្ឋាននគរបាលខេត្តកែប ដឹកនាំដោយលោកវរសេនីយ៍ទោ កើត សាវុធ ប្រធានក្រុមអន្តរាគមន៍ពិសេស បានចុះស្ទាក់ចាប់មុខសញ្ញាជួញដូរ និងប្រើប្រាស់គ្រឿងញៀនដោយខុសច្បាប់ម្នាក់ ដែលកំពុងធ្វើសកម្មភាពចែកចាយ នៅក្នុងភូមិអូរក្រសារ សង្កាត់អូរក្រសារ ក្រុង/ខេត្តកែប។ ករណីខាងលើនគរបាលយើងដកហូតជាក់ស្តែងបានថ្នាំញៀនចំនួន០៧កញ្ចប់ (ធំ០១កញ្ចប់, តូច០៦កញ្ចប់) ស្មើនិង១៥.62g ទូរសព្ទដៃចំនួន០១គ្រឿង ដែកកេះចំនួន០២ដើម និងស្គុតខ្មៅសំរាប់រុំថ្នាំញៀន០១ដុំ ដែលសាមីជនទទួលស្គាល់ថាជារបស់ខ្លួន ។    ជនសង្ស័យមានឈ្មោះ លៀម យ៉ត ភេទប្រុស អាយុ២៩ឆ្នាំ មុខរបរមិនពិតប្រាកដ រស់នៅភូមិ សង្កាត់កើតហេតុខាងលើ។    ក្រោយការចាប់ខ្លួនយើងបាននាំជនសង្ស័យមកកាន់ស្នងការដ្ឋាននគរបាលខេត្ត ដើម្បីបន្តនីតិវិធី និងបានបំពេញសំណុំរឿងបញ្ជូនទៅសាលាដំបូងខេត្តកំពត នៅព្រឹកនេះ(២១,០៤,២០២០) ដើម្បីចាត់ការបន្តតាមផ្លូវច្បាប់ផងដែរ ៕

អានបន្ត»

នគរបាលចាប់ខ្លួនក្រុមចោរប្លន់ចំនួន៤ នាក់ដែលភ្ជង់អ្នកលក់ចាបហួយ យកទ្រព្យសម្បត្តិនៅស្រុកជីក្រែង

សៀមរាប៖ សមត្ថកិច្ចបានឲ្យដឹងថា ក្រុមចោរប្លន់ប្រដាប់ដោយអាវុធច្នៃបានធ្វើសកម្មភាពភ្ជង់អ្នកលក់ចាបហួយនៅស្រុកជីក្រែងយកទ្រព្យសម្បត្តិ រួចគេចខ្លួន ត្រូវបានកម្លាំងនគរបាលមូលដ្ឋាននិងនគរបាលព្រហ្មទណ្ឌកម្រិតធ្ងន់នៃស្នងការដ្ឋានខេត្តសៀមរាប បានធ្វើស្រាវជ្រាវឃាត់ខ្លួនបានចំនួន៤នាក់។   ហេតុការណ៍ឃាត់ខ្លួននេះធ្វើឡើងនៅថ្ងៃទី២០ខែមេសាឆ្នាំ២០២០ត្រង់ចំណុចភូមិក្របៅ ឃុំសង្វើយ ស្រុកជីក្រែង ខេត្តសៀមរាប។ លោកឧត្តមសេនីយ៍ត្រី ភឹង  ចិន្តារ៉េត ស្នងការរងទទួលផែនកណ្តាលព្រហ្មទណ្ឌនៃស្នងការដ្ឋានខេត្តសៀមរាប បានមានប្រសាសន៍ប្រាប់នៅថ្ងៃទី២១នេះថា កម្លាំងនគរបាលស្រុកជីក្រែងនិងនគរបាលព្រហ្មទណ្ឌកម្រិតធ្ងន់នៃស្នងការដ្ឋានខេត្តសៀមរាប បានសហការគ្នាស្រាវជ្រាវករណីក្រុមចោរប្លន់ផ្ទះអ្នកលក់ចាបហួយ រហូតបានឃាត់ខ្លួនជនសង្ស័យ ០៤នាក់ ពាក់ព័ន្ធករណី អំពើលួចមានស្ថានទម្ងន់ទោស ប្រើប្រាស់អាវុធសាមញ្ញកាលពី វេលាម៉ោង៣និង០០ នាទីទៀបភ្លឺឈានចូលថ្ងៃទី១៩ ខែ មេសា ឆ្នាំ២០២០ ត្រង់ចំណុចភូមិក្របៅ ឃុំសង្វើយ ស្រុកជីក្រែងខេត្តសៀមរាប។ជនសង្ស័យទាំងនោះ មានឈ្មោះទី៖១.ឈ្មោះ សំ សី ហៅម៉ី ភេទប្រុសអាយុ៥២ឆ្នាំ មុខរបរ ធ្វើស្រែ។២.ឈ្មោះ ឡុន ធុង ហៅ ថុង ភេទប្រុសអាយុ១៤ឆ្នាំ មុខរបរសិស្ស។ ៣.ឈ្មោះ ឡឹង ប៊ឿប ហៅ ប៊ឿក ភេទប្រុសអាយុ …

អានបន្ត»

ចាប់ខ្លួន ជាងទូរស័ព្ទពីរនាក់ នៅខេត្តសៀមរាប ករណី គ្រឿងញៀន

ខេត្តសៀមរាប៖ជនសង្ស័យ០២នាក់ត្រូវបានកម្លាំងអាវុធហត្ថខេត្តសៀមរាប ធ្វើការចាប់ខ្លួនពាក់ព័ន្ធករណីជួញដូរគ្រឿងញៀន។ ហេតុការណ៍ធ្វើឡើងនៅវេលាម៉ោង១៥និង៣០នាទីថ្ងៃទី១៩ខែមេសាឆ្នាំ ២០២០ នៅចំណុចភូមិ សាលាកន្សែង សង្កាត់ ស្វាយដង្គំ ក្រុង សៀមរាប ខេត្ត សៀមរាប។ដោយកម្លាំងការិយាល័យប្រឆាំងគ្រឿងញៀនខេត្តដឹកនាំដោយលោកអនុសេនីយ៍ឯក ធាវ ច័ន្ទតារា។ ជនសង្ស័យ០១.ឈ្មោះជ្រឹង គឹមសៀង ភេទប្រុសអាយុ៣៣ ឆ្នាំជនជាតិខ្មែរ មុខរបរជាងទូរស័ព្ទ រស់នៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។ ០២,ឈ្មោះគង់ សុភី ភេទប្រុសអាយុ ២៧ឆ្នាំជនជាតិខ្មែរ មុខរបរជាងទូរស័ព្ទ រស់នៅភូមិល្អក់ ឃុំកណ្ដែក ស្រុកប្រាសាទបាគង ខេត្តសៀមរាប។ ករណីនេះដកហូតវត្ថុតាង ម្សៅក្រាមសថ្លាចំនួន១៥កញ្ចប់ ទម្ងន់៤៥១,៥៥ក្រាម .ថ្នាំwyចំនួន៨គ្រាប់ ទម្ងន់០,៩០ក្រាម .ថ្នាំក្រវីពណ៌ផ្កាឈូកសញ្ញាក្បាលខ្មោចចំនួនមួយគ្រាប់ ទម្ងន់០,៤១ក្រាម -ទូរស័ព្ទដៃចំនួន០៣គ្រឿង។ បច្ចុប្បន្នជនសង្ស័យនិងវត្ថុតាង ត្រូវបានកំលាំងអាវុធហត្ថបញ្ជូនទៅតុលាការនៅថ្ងៃនេះ៕

អានបន្ត»

អភិបាលស្រុកប្រាសាទបាគង ដឹកនាំសប្បុរសជន ចុះសួរសុខទុក្ខគ្រួសារយោធិនពិការ៣១៧សៀមរាប

សៀមរាប៖ លោក សូរ ប្លាតុង អភិបាលស្រុកប្រាសាទបាគង បានដឹកនាំសប្បុរសជន ចុះសួរសុខទុក្ខ និងចែកអំណោយជូនគ្រួសារយោធិនពិការ នៅមជ្ឈមណ្ឌល អភិវឌ្ឍន៍យោធិនពិការ សម្តេចតេជោ ហ៊ុន សែន គូលេន ៣១៧សៀមរាប ស្ថិតក្នុងភូមិស្នារតេជោ ឃុំបាល័ង្គ ស្រុកប្រាសាទបាគង ខេត្តសៀមរាប នារសៀលថ្ងៃទី១៨ខែមេសា ឆ្នាំ២០២០។ ក្នុងកិច្ចស្វាគមន៍ ឯកឧត្តម ឧត្តមសេនីយឯក ពៅ ស៊ា នាយកមជ្ឈមណ្ឌល អភិវឌ្ឍន៍យោធិនពិការ សម្តេចតេជោហ៊ុនសែន គូលេន ៣១៧ សៀមរាប បានអោយដឹងថា៖  បច្ចុប្បន្នក្នុងមណ្ឌលមាន ៣០០គ្រួសារ ក្នុងនោះមាន ៖ (យោធិនពិការ ចំនួន ២៧៣គ្រួសារ, គ្រូបង្រៀនស្ម័គ្រចិត្ត ២៥ គ្រួសារ, ពេទ្យឆ្មប ស្ម័គ្រចិត្ត ០២គ្រួសារ, សមាជិកសរុបរួមមានចំនួន ១៣០០នាក់ ។ ដោយមានការយកចិត្តទុកដាក់ ឧបត្ថម្ភជាបន្តបន្ទាប់ពី …

អានបន្ត»

ចាប់ខ្លួនមនុស្ស១០នាក់ ក្នុងការបង្ក្រាបល្បែង ស៊ីសង(អាប៉ោង)

សៀមរាប÷មនុស្សប្រុសស្រីចំនួន១០នាក់ ដែលក្នុងនោះមានមេល្បែង (មេអាប៉ោង) និងអ្នកញៀនល្បែងផង បានត្រូវកម្លាំងនគរបាលស្រុកប្រាសាទបាគង ចាប់ឃាត់ខ្លួនយកមកអនុវត្តច្បាប់។ ការចាប់ខ្លួនអ្នកខាងលើធ្វើឡើង កាលពីល្ងាចថ្ងៃទី១៦ ខែមេសា ឆ្នាំ២០២០ នៅក្នុងភូមិសូភី ឃុំកន្រ្ទាំង ស្រុកប្រាសាទបាគង។       អធិការនគរបាលស្រុកប្រសាទបាគង លោកវរសេនីយ៍ទោលឹម សម្បត្តិ បានអោយដឹងថា ក្នុងការបង្ក្រាបល្បែងអាប៉ោងខាងលើ យើងបានឃាត់ខ្លួនមនុស្សចំនួន១០នាក់ស្រី២នាក់។ ក្រៅពីនោះ ក៍បានដកហូត គ្រាប់អាប៉ោង ចំនួន៤គ្រាប់  កំរាល១  ចាន១  គម្រប១  សំរាប់លែងអាប៉ោង ។ លោកបន្តថា ការបង្ក្រាបបនល្បែងក្នុងមូលដ្ឋាន គឺជាការឆ្លើយតបទៅ នឹង គោលការភូមិឃុំ មានសុវត្ថិភាព។ចឹងទេបើយើងទប់ស្កាត់ការបើកល្បែងស៊ីសង គឺស្មើនងទប់ស្កាត់អំពើហឹង្សា ក៍ដូចជាសកម្មភាពល្មើសផ្សេងៗផងដែរ។       លោកបញ្ជាក់ថា បន្ទាប់ពីបាននាំ ពួកគាត់មកសាកសួរនៅអធិការដ្ឋាននគរបាលស្រុកប្រាសាទបាគង និងជាលើកដំបូងផងនោះ យើងបានធ្វើកិច្ចសន្យានិងអប់រំ ហើយអោយត្រលប់ទៅមូលដ្ឋានរៀងខ្លួនវិញ ៕

អានបន្ត»

បុរសជនជាតិឥណ្ឌូណេស៊ីចំនួន០២នាក់ ដែលមានជំងឺកូវីដ-១៩ មកពីប្រទេសថៃ ហើយត្រូវបានទទួលការព្យាបាល នៅមន្ទីរពេទ្យបង្អែកខេត្តសៀមរាប ត្រូវបានអនុញ្ញាតឲ្យចេញពីមន្ទីពេទ្យ

បុរសជនជាតិឥណ្ឌូណេស៊ីចំនួន០២នាក់ ដែលមានជំងឺកូវីដ-១៩ មកពីប្រទេសថៃ ហើយត្រូវបានទទួលការព្យាបាល នៅមន្ទីរពេទ្យបង្អែកខេត្តសៀមរាប ត្រូវបានអនុញ្ញាតឲ្យចេញពីមន្ទីពេទ្យហើយ ខេត្តសៀមរាប៖ បុរសជនជាតិឥណ្ឌូណេស៊ីចំនួន០២នាក់ ដែលមានជំងឺកូវីដ-១៩ មកពីប្រទេសថៃ ហើយត្រូវបានទទួលការព្យាបាល នៅមន្ទីរពេទ្យបង្អែកខេត្តសៀមរាប ត្រូវបានអនុញ្ញាតឲ្យចេញពីមន្ទីពេទ្យហើយ កាលពីរសៀលថ្ងៃទី១៤ ខែមេសាម្សិលមិញ បន្ទាប់ពីបានជាសះស្បើយពីជំងឺ ក្រោមការយកចិត្តទុកក្នុងការព្យាបាលជំងឺពីសំណាក់ក្រុមគ្រូពេទ្យ នៃមន្ទីរពេទ្យបង្អែកខេត្តសៀមរាប អស់រយៈពេល២២ថ្ងៃកន្លងមក ។ នៅចំពោះមុខក្រុមគ្រូពេទ្យ នៃមន្ទីរពេទ្យបង្អែកខេត្តសៀមរាប និង អ្នកសារព័ត៌មាន បុរសជនជាតិឥណ្ឌូណេស៊ី បានសម្ដែងនូវក្តីរំភើបរីករាយយ៉ាងក្រៃលែង និង កក់ក្តៅបំផុត ព្រមទាំងសម្ដែងនូវការ កោតសរសើរចំពោះគោលនយោបាយនិងទឹកចិត្តមនុស្សធម៌របស់ប្រមុខរាជរដ្ឋាភិបាលកម្ពុជា ដែលបានអនុញ្ញាតចំពោះការស្នាក់នៅព្យាបាលរូបលោកទាំង០២នាក់នៅក្នុងប្រទេសកម្ពុជា និង អរគុណដ៏ជ្រាលជ្រៅបំផុតចំពោះក្រុមគ្រូពេទ្យកម្ពុជា ដែលបានសង្គ្រោះជីវិតរបស់លោក ឆ្លងផុតពីគ្រោះស្លាប់ដោយសារជំងឺកូវីដ-១៩។ ប្រធានមន្ទីរសុខាភិបាលខេត្តសៀម រាបលោកវេជ្ជបណ្ឌិត ក្រុស សារ៉ាត់ បានមានប្រសាសន៍ថា បុរសជនជាតិឥណ្ឌូណេស៊ីទាំង ០២នាក់នេះ ត្រូវបានរកឃើញមានផ្ទុកវារុសកូវីត១៩ កាលពីថ្ងៃទី១៨ ខែមីនាឆ្នាំ២០២០ ដោយមន្ទីរពេទ្យមួយនៅទីក្រុងបាងកក លុះថ្ងៃទី២២ ខែមីនា ពួកគាត់បានធ្វើដំណើរចូលមកប្រទេសកម្ពុជា តាមច្រកទ្វារព្រំដែនអន្តរជាតិប៉ោយប៉ែត …

អានបន្ត»

នាយឧត្តមសេនីយ៍ មាស សាវ៉ន ឧបត្ថម អាល់កុល ដល់យោធិនពិការ គូលេន៣១៧សៀមរាប

សៀមរាប៖ ឯកឧត្តម នាយឧត្តមសេនីយ៍ មាស សាវ៉ន អគ្គនាយកអគ្គនាយកដ្ឋានយោធសេវា ក្រសួងការពារជាតិ បានឧបត្ថម អាល់កុល ចំនួន៦០លីត្រ ដល់យោធិនពិការរស់នៅ មជ្ឈមណ្ឌលអភិវឌ្ឍន៍យោធិនពិការ សម្តេចតេជោ ហ៊ុន សែន គូលេន៣១៧សៀមរាប។ ឯកឧត្តម ឧត្តមសេនីយ៍ឯក ពៅ ស៊ា នាយកមជ្ឈមណ្ឌលអភិវឌ្ឍន៍យោធិនពិការ សម្តេចតេជោ ហ៊ុន សែន គូលេន៣១៧សៀមរាប តំណាង ឯកឧត្តម នាយឧត្តមសេនីយ៍ មាស សាវ៉ន បាននាំអាល់កុល មកចែកជូនដល់ ប្រធានផ្នែក ប្រធានក្រុម ដើម្បីយកទៅចែកជូនបន្តដល់បងប្អូនយោធិនពិការ ៣១៧ សៀមរាប នាព្រឹកថ្ងៃទី១៣ ខែមេសាឆ្នាំ២០២០។ ឯកឧត្តម ឧត្តមសេនីយ៍ឯក ពៅ ស៊ា បានថ្លែងថា៖ នេះជាការចែករំលែករបស់ថ្នាក់ដឹកនាំចូលរួមចំណែកជាមួយរាជរដ្ឋាភិបាល ដើម្បីចូលរួមទប់ស្កាត់ការរីករាលដាលនៃជំងឺឆ្លងផ្សេងៗ ពិសេសជំងឺ កូវីដ១៩ ។ ឯកឧត្តម …

អានបន្ត»

អាជ្ញាធរស្រុកស្វាយលើ ចាប់ខ្លួនដឺប៉េ ជើងគោកម្នាក់ករណីឃាត់ឡានដឹកគ្រឿងសង្ហារឹម ទាប្រាក់៣០០ដុល្លារជាថ្នូរនិងការដោះលែង

   ខេត្តសៀមរាប៖អាជ្ញាធរស្រុកស្វាយលើ បានធ្វើការឃាត់ខ្លួនដឺប៉េ ជើងគោកនៃយោធភូមិភាគទី៤ម្នាក់ ដែលឈរជើងជាមួយនៅស្នាក់ការអង្គការបរិស្ថាន ក្នុងស្រុកស្វាយលើ ករណី ចាប់ឡានដឹកគ្រឿងសង្ហារឹម ទាប្រាក់៣០០ដុល្លារជាថ្នូរនិងការដោះលែង។    ប្រតិបត្តិការនេះធ្វើឡើងនៅថ្ងៃទី១០ខែមេសាឆ្នាំ២០២០ ស្ថិតនៅភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប។ លោកវរសេនីយ៍ត្រី ឈា សាវុធ មេបញ្ជាការកងរាជអាវុធហត្ថស្រុកស្វាយលើ បានឲ្យដឹងនៅរសៀលថ្ងៃទី១១ខែមេសានេះថា ពិតជាមានករណីឃាត់ខ្លួន ដឺប៉េ ជើងគោក ម្នាក់ មែន។ការឃាត់នេះគឺធ្វើតាមបណញតឹងរបស់ពលរដ្ឋម្នាក់ឈ្មោះ ខុំ វ៉ារស់នៅភូមិអូរអាកុក ឃុំតាសៀម ស្រុកស្វាយលើ ដែលជាអ្នកដឹកគ្រឿងសង្ហារឹម (ទ្វារបង្អួច)ករណីឈ្មោះ  រ៉ុង មានមុខងារជាដឺប៉េ ជើងគោក ឈរជើងជាមួយអង្គការបរិស្ថាន បានបើកឡានដេញកាក់នៅជិតប្រាសាទបឹងមាលា រួចហើយសម្លុតទារប្រាក់ចំនួន៣០០ដុល្លារ។ពេលនោះជនរងគ្រោះនិយាយថា គាត់គ្មានលុយទេនៅសល់តែ៥០ម៉ឺន រៀលទេ។តែឈ្មោះរ៉ុង មិនព្រមហើយក៏បានដកយកអត្តសញ្ញាណប័ណ្ណទុកសិន ដោយនិយាយថា ពេលយកទ្វារទៅលក់បានលុយយលមកឲ្យគាត់ គ្រប់ចំនួន ទោះបឲ្យអត្តសញ្ញាណប័ណ្ណនោះវិញ។ដោយមានការខឹងនឹងទង្វើ របស់យោធាខាងលើ ទើបជនរងគ្រោះមកប្តឹងនៅសាលាស្រុកស្វាយលើ ឲ្យជួយអន្តរាគមន៍។លោកវរសេនីយ៍ត្រី ឈា សាវុធ បន្តថា …

អានបន្ត»

ពលរដ្ឋដែលបន្តចូលមកក្នុងខេត្តសៀមរាប ប្រឈមដាក់នៅដោយឡែក១៤ថ្ងៃតាមការរៀបចំរបស់ខេត្ត

សៀមរាប៖ រដ្ឋបាលខេត្តសៀមរាប ដឹកនាំដោយលោក ទៀ សុីហា និងជា គណៈបញ្ជាការឯកភាពខេត្ត បានជម្រាបជូនតំណឹងដល់ បងប្អូនប្រជាពលរដ្ឋទាំងអស់ ដែលមានបំណងចង់មកកាន់ខេត្តសៀមរាប ទាំងអស់ឲ្យបានជ្រាបថា ដើម្បីចូលរួមទប់ស្កាត់នូវការរីករាលដាលនៃជំងឺកូវីដ-១៩ (COVID-19) និងអនុវត្តតាមបទបញ្ជារបស់រាជរដ្ឋាភិបាលកម្ពុជា   ៖ រដ្ឋបាលខេត្តសៀមរាប សំណូមពរឲ្យបងប្អូនប្រជាពលរដ្ឋទាំងអស់អាចត្រលប់ទៅបំពេញការងាររៀងខ្លួននៅកន្លែងធ្វើការវិញ នឹងមិនមានការកាត់ប្រាក់បៀវត្សនោះទេ ព្រោះការឈប់ក្នុងពិធីបុណ្យចូលឆ្នាំខ្មែរ ត្រូវបានរាជរដ្ឋាភិបាលសម្រេចលើកពេល។ ក្នុងករណីបងប្អូននៅតែចង់ចូលក្នុងខេត្តសៀមរាប អាចនឹងត្រូវដាក់ឲ្យនៅដាច់ដោយឡែក ធ្វើចត្តឡីស័កចំនួន១៤ថ្ងៃ(នៅមណ្ឌលចត្តាឡីស័កដែលអាជ្ញាធរបានកំណត់) ជាមុនសិន។ សូមបងប្អូនប្រជាពលរដ្ឋទាំងអស់ ចូលរួមអនុវត្តឲ្យបានត្រឹមត្រូវ និងខ្ជាប់ខ្ជួន តាមគោលការណ៍របស់រាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ការរាតត្បាត Covid-19 ដើម្បីសុវត្ថិភាពខ្លួនយើង គ្រួសារយើង និងសង្គមជាតិទាំងអស់គ្នា ។

អានបន្ត»