មាតិកាព័ត៌មាន

បទល្មើសនេសាទនៅខេត្តសៀមរាប កើតមានពេញបន្ទុកនារដូវត្រីពងកូន សង្ស័យសមត្ថកិច្ចជំនាញបើកភ្លើងខៀវ

សៀមរាប៖សកម្មភាពបទល្មើសនេសាទមានដូចជាអ៊ុយ,ប័រ,អូសអ៊ួន,រុញសុីបនិងឆ្នុកជាដើមកំពុងធ្វើនេសាទល្មើសច្បាប់ជារៀងរាល់ថ្ងៃនៅភូមិសាស្ត្របឹងទន្លេសាបនៃខេត្តសៀមរាបមានស្រុកជីក្រែង,ស្រុកពួក,ក្រុងសៀមរាប,ស្រុកប្រាសាទបាគង,ស្រុកសូទ្រនិគមនិងស្រុកជីក្រែង ហើយករណីនេះគេបានដាក់ការសង្ស័យថាសមត្ថកិច្ចជំនាញជាអ្នកនៅពីក្រោយខ្នងនៃការបើកឲ្យមានបទល្មើសទាំងនេះកើតឡើងជាថ្នូរនិងការមិនចុះបង្ក្រាប។ សេចក្តីរាយការណ៍បានឲ្យដឹងថា៖ គេឃើញបទល្មើសនេសាទជាច្រើនប្រភេទនៅតែបន្តកើតមានយ៉ាងច្រើនកុះករដដែលដោយគ្មានខ្លាចញញើតសមត្ថកិច្ចជំនាញណាម្នាក់សោះឡើយ។ប្រភពបន្តថា៖ក្រុមអ្នកនេសាទជនជាតិវៀតណាមនៅតំបន់ចុងឃ្នៀសបានចុះរុញសុីបរាល់យប់ដោយបានបង់លុយឲ្យមន្ត្រីជំនាញនៅទីនោញរាប់លានរៀលក្នុងមួយយប់ៗ។ឯក្រុមអ្នកដាក់អ៊ុយ,ប័រ លបរ៉ាវវិញកើតមាន ពេញផ្ទៃទឹកគ្មានឃើញជំនាញចុះបង្ក្រាបនោះទេយូរវាក្លាយទៅជារឿងដដែលទៅហើយ។ប៉ុន្តែគេក៏បានឃើញអាជ្ញាធរមូលដ្ឋានចុះបង្ក្រាបខ្លះៗដែរតែមិនសុីជម្រៅដោយគេសង្ស័យថាគ្រាន់តែដេញត្រីឲ្យចូលស៊ងតែប៉ុណ្ណោះទាក់ទិនទៅនិងករណីបទល្មើសនេសាទដែលកើតមានពេញបន្ទុកក្នុងខេត្តសៀមរាប។អាជ្ញាធរស្រុកសូទ្រនិគមធ្លាប់ប្រាប់តាមទូរស័ព្ទថា៖ ករណីនេះលោកបាននិយាយប្រាប់សមត្ថកិច្ចជំនាញទាំងអស់នៅក្នុងអង្គប្រជំុរួចហើយ បើមានរឿងសមត្ថកិច្ចទៅស៊ុំគ្រលំជាមួយបទល្មើសនេសាទពិតយ៉ាងដូច្នេះមែន អាជ្ញាធរនិងចាត់វិធានការទៅតាមផ្លូវច្បាប់ជាក់ជាមិនខាន។លោកបន្តថា ចំពោះករណីនេសាទខុសច្បាប់នេះផងដែរលោក បានឲ្យខាងឃំុចុះផ្ទាល់ទៅណែនាំដល់បងប្អូនប្រជាពលរដ្ឋជាញឹកញាប់ទៅតាមការដែលយើងអាចធ្វើទៅបាន។លោកបន្ថែមថា លោកនឹងបន្តចុះផ្ទាល់ទៅ ដល់មាត់ទឹកបឹងទន្លេសាបតែម្តង ដើម្បីឲ្យឃើញជាក់ ស្តែង ព្រោះជួនកាល មានមន្ត្រីមួយចំនួនរាយការ កុហកថ្នាក់លើក៏អាចថាបានដែរ។ចំណែកលោកសូប្លាតុងអៅិបាលក្រុងសៀមរាបមិនអាចទាក់ទងសុំការពន្យល់បានទេនៅរសៀលថ្ងៃទី០១ខែកញ្ញានេះ។ ជំុវិញការលើកឡើងខាងលើនេះដែរលោក ព្រិន្ទ សាវិន នាយខ័ណ្ឌរដ្ឋបាលជលផលខេត្តសៀមរាបក៏មិនអាចទាក់ទងសុំការបំភ្លឺពីលោកបានទេនៅរសៀលថ្ងៃទី០១ខែកញ្ញានេះដោយសារហៅទូរស័ព្ទទៅលោកចូលជាច្រើនដងតែគ្មានអ្នកទទួល។ក្រុមមន្ត្រីនិយាយថាការយកលុយពីបទល្មើសជាថ្នូរនិងការមិនចុះបង្ក្រាប បែបនេះវាគឺជារឿងខុសច្បាប់ដែលមិនអាចលើកលែងបាន។មន្ត្រីដដែលបន្តថា ករណីនេះរាជរដ្ឋាភិបាលត្រូវតែយកចិត្តទុកដាក់ និងបង្កើនការត្រួតពិនិត្យទៅលើករណីនេះចេះតែកើតមានបន្តទៅទៀត ដើម្បីកុំឲ្យមានជនខិលខូចប្រព្រឹត្តខុសច្បាប់តទៅទៀត ហើយបើមិនដូច្នោះទេមច្ឆាជាតិនិងរលាយសាបសូន្យនៅពេលខាងមុខនេះ។ សូមរំលឹកផងដែរថា បទល្មើសនេសាទកើតមាន ច្រើនជាងគេបំផុតនៅក្នុងខេត្តសៀមរាបនោះគឺបន្ទាប់ ពីមានការគ្រប់គ្រងផ្ទាល់របស់លោកព្រិន្ទ សាវិន បាន ឡើងជានាយខ័ណ្ឌរដ្ឋបាលជលផលអស់រយះពេលជិត១០ឆ្នាំកន្លងមកនេះ ដែលបណ្តែតបណ្តោយឲ្យកូន ចៅក្រោមឱវាទមួយចំនួនទៅឃុបឃិតជាមួយបទល្មើ ស ជាថ្នូរនិងការមិនចុះបង្ក្រាប។ ទន្ទឹមគ្នានេះផងដែរគេសង្ឃឹមថាប្រតិភូរាជរដ្ឋាភិបាល កម្ពុជា ព្រមទាំងលោកអភិបាលខេត្តសៀមរាប មេត្តា ចុះត្រួតពិនិត្យមើលមន្ត្រីមួយចំនួនដែលមានភារះកិច្ច ការពារនៅតំបន់បឹងទន្លេសាបនៃខេត្តសៀមរាបផង ដើម្បីឲ្យផលត្រីកើនឡើងសមស្របទៅ នឹងតម្រូវការ ហូបចុករបស់បងប្អូនប្រជាពលរដ្ឋ៕

អានបន្ត»

រថយន្ត២គ្រឿងបាន ប៉ះគ្នាបង្កឲ្យមានផ្ទុះហឹង្សា បាញ់ប្រាវ អត់ខ្វល់ អាងខ្លួនជាមន្ត្រី

ប៉ោយប៉ែត៖នៅយប់ថ្ងៃទី២ ខែកញ្ញាឆ្នាំ២០១៧ វេលាម៉ោង៧និង០០នាទី មានរថយន្ត២គ្រឿងបាន ប៉ះគ្នាបង្កឲ្យមានផ្ទុះហឹង្សាបន្ទិចបន្ទួច ខណះពេល នោះមានការផ្ទុះអាវុធមួយគ្រាប់ផងដែរ តែមិនមាននរណាម្នាក់ គ្រោះថ្នាក់នោះទេ។ហេតុការណ៍នេះបានកើតឡើង នៅចំណុចភូមិគីឡូម៉ែត លេខ៤សង្កាត់ផ្សារ កណ្ដាលក្រុងប៉ោយប៉ែត ខេត្តបន្ទាយមានជ័យនៅលើផ្លូវជាតិលេខ៥។ បើតាមប្រភពពីអ្នកនៅកន្លែងកើតហេតុ បានឲដឹងថាអ្នកបើករយន្តធុនរ៉ា ពណ៌សពាក់ស្លាកលេខ 2 AC 36 36 នោះមានឈ្មោះ អ៊ឹង ឈី ជាមន្ត្រីរាជការសព្វថ្ងៃរស់នៅភូមិផ្សារកណ្ដាល សង្កាត់ផ្សារកណ្ដាលក្រុងប៉ោយប៉ែតខេត្តបន្ទាយមានជ័យ។ នៅក្បែសាលាសង្កាត់ផ្សារកណ្ដាល។ សូមបញ្ជាក់ផងដែរថា បើតាមសម្ដីរបស់លោកស សុភក្តិត្រា ជាមេបញ្ជាការរងស្ដីទីអាវុធហត្ថក្រុងប៉ោយប៉ែត បានរៀបរាប់ប្រាប់មកអ្នកសារព័ត៌ព្រះច័ន្ធកម្ពុជា តាមទូរស័ព្ទថាពាក់ព័ន្ធបញ្ហាខាងនេះលោកកំពុងតែស៊ើបអង្គេត ដើម្បីតាមដានរកមុខអ្នកបាញ់បោះ យកមកកាត់ទោស តាមច្បាប់។ ដោយ៖ព្រះច័ន្ទកម្ពុជា

អានបន្ត»

គយខេត្តតាកែវ៖ ទោះបីជាមិននៅធ្វើការ ក៏គ្មាននរណាហ៊ានបើក រថយន្តហួសនោះដែរ

ខេត្តតាកែវ៖ រថយន្តតូច ធំ ដឹកទំនិញគគ្រឹកគគ្រេងគ្រប់ប្រភេទ ទាំងទៅប្រទេសវៀតណាម និងត្រឡប់ពីវៀតណាមមកវិញ ត្រូវឆ្លងកាត់ផ្លូវជាតិលេខ២ ដាច់ខាតត្រូវតែបង់ប្រាក់ឲ្យមន្ត្រីគយដែលឈរជើងនៅជាយក្រុងតាកែវ ដោយមិនអាចលើកលែង ទោះបីជាទំនិញនោះ បង់ពន្ធ ឬក៏គេចពន្ធក៏ដោយ។ មិនមែនមានទីកន្លែងសម្រាប់ឲ្យអ្នកដឹក ទំនិញបង់ពន្ធតែមួយប៉ុណ្ណោះទេ ប៉ុន្តែគេបានបោះទីតាំងពីរកន្លែងលើផ្លូវជាតិលេខ២តែមួយ។ មន្ត្រីគយចល័តក្រោមអំណាចគ្រប់គ្រងរបស់លោក លាង ម៉ុង បានបោះទីតាំងរបៀបជាកុងត្រូលជជុះមួយកន្លែងស្ថិតនៅក្នុងឃុំគិរីចុងកោះ ដែលស្ថិតនៅជិតទីរួមស្រុកគិរីវង់ និងមួយកន្លែងទៀតស្ថិតនៅក្នុងឃុំរកាក្នុង ក្រុងដូនកែវ។ ទីតាំងទាំងពីរកន្លែងនេះ ប្រៀបដូចជាហិបមួយដែលអ្នករកស៊ីដឹកទំនិញត្រូវយកប្រាក់ទៅទម្លាក់ចូលក្នុងហិបនោះ ដោយខានមិនបាន។ ប្រសិនបើអ្នករកស៊ីដឹកទំនិញហ៊ានល្មើស ប្រឈមនឹងការចាប់បង់ផាកពិន័យដែលជាហេតុបង្កឲ្យមានការលំបាកសម្រាប់ការរកស៊ីទៅថ្ងៃមុខ។ នៅលើកំណាត់ផ្លូវជាតិលេខ២ ជាយខាងលិចក្រុងដូនកែវ មានផ្ទះតៀមមួយខ្នងហាក់ដូចជាត្រូវបានគេបោះបង់ចោល ដែលទីនេះជាហិបប្រាក់របស់ក្រុមមន្ត្រីគយនៅខេត្តតាកែវមួយកន្លែង។ អ្នកផងដែលមិនមែនជាឈ្មួញរកស៊ីដឹកទំនិញ ប្រទះឃើញផ្ទះតៀមនេះ នឹកស្មានថាជាផ្ទះរបស់ប្រជាពលរដ្ឋក្រីក្រ ប៉ុន្តែតាមការពិតវាជាស្នាក់ការរបស់មន្ត្រីគយ សម្រាប់ឲ្យអ្នកជំនួញដឹកទំនិញតាមរថយន្តចូលបង់ប្រាក់។ វាជាខ្ទមរខេករខាកពិតមែន ប៉ុន្តែអ្នកដឹកទំនិញគ្រប់ប្រភេទត្រូវតែគោរព និងបង់លុយឲ្យម្ចាស់ផ្ទះតៀមនេះមិនអាចខកខានបានមួយវេលាណាឡើយ។ បណ្តាជនអ្នកដឹកទំនិញ ឆ្លងកាត់ទាំងទៅ ទាំងមក ទោះស្របច្បាប់ ឬមិនស្របច្បាប់ត្រូវតែដើរចូលទៅក្នុងខ្ទមរខេករខាកនោះដើម្បីបង់ប្រាក់ឲ្យមន្ត្រីគយ ដែលប្រចាំការនៅក្នុងខ្ទមនោះ។ បើមិនបង់ប្រាក់ទេ កិច្ចការរកស៊ីជំនួញរបស់ខ្លួនត្រូវប្រឈមនឹងការចាប់ទុក ឬបំផ្លាញទំនិញចោល ទោះក្នុងតម្លៃណាក៏ដោយ។ ដូច្នេះអ្នកដឹកទំនិញចេញទៅប្រទេសវៀតណាម …

អានបន្ត»

ឧកញ៉ា សឹង្ហ សំអុល នៅតែល្បីឈ្មោះជាមេឈ្មួញ បំផ្លាញព្រៃឈើ នឹងដឹកឈើទៅប្រទេសវៀតណាម បានដោយរលូន ជ្រកក្រោមស្លាកក្រុមហ៊ុនស្របច្បាប់

​គេ​នៅ​ចាំបាន​ថា​ កាលពី​អំឡុង​ចុងខែ​មករា ឆ្នាំ​២០១៦ សម្តេច តេជោ ហ៊ុន សែន នាយករដ្ឋមន្ត្រី នៃព្រះជាណាចកហរកម្ពុជា បានចេញ​បទបញ្ជា​ ឲ្យ​អាជ្ញាធរ​ និង​សមត្ថកិច្ច​ខេត្ត​ពាក់ព័ន្ធ ចាត់វិធានការ​លើ​ឈ្មួញ​ ដែល​ល្បី​ខាង​ដឹកជញ្ជូន​ឈើ ​ចេញទៅ​ស្រុក​យួន ក្នុងនោះក៍មានឈ្មោះមេឈ្មួញ ឧកញ៉ា សឹង្ហ សំអុល ម្នាក់ផងដែរ។ ​ប៉ុន្តែ​រហូតមក​ដល់ពេលនេះ ​អាជ្ញាធរ និង​សមត្ថកិច្ច​ ខេត្តពាក់ព័ន្ធ មានដូចជា ខេត្តមណ្ឌល់គិរី ខេត្តក្រចេះ នឹងខេត្ត​ត្បូងឃ្មុំ មិន​ហ៊ាន​ចាត់វិធានការ​ ទៅលើ​មេ​ឈ្មួញ សឹង្ហ សំអុល ដែល​ល្បី​ខាង​ដឹកជញ្ជូន​ឈើ ​ទៅ​ស្រុក​យួន​យ៉ាង​ពេញបន្ទុក​នោះទេ ដោយសារតែ​ខ្លាច​ឥទ្ធិពល​ មន្ត្រីជាន់ខ្ពស់​ ដែលជា​ខ្នងបង្អែកយ៉ាងរឹងមាំ​ របស់​មេ​ឈ្មួញ​ម្នាក់នេះ​។​ ​ដូច្នេះហើយ ​ទើប​មេ​ឈ្មួញ សឹង្ហ សំអុល បន្តសកម្មភាព​ដឹកជញ្ជូន​ឈើ ​ចេញពីខេត្តមណ្ឌលគិរី និង​ខេត្តក្រចេះ ចេញទៅ​ស្រុក​យួន​ តាមច្រកព្រំដែន​ក្នុងស្រុក​ស្នួល ខេត្តក្រចេះ និង​ស្រុក​មេមត់ ខេត្ត​ត្បូងឃ្មុំ …

អានបន្ត»

ជនពិការមួយក្រុម វាយអ្នកសារព៍ត៌មាន នៅប៉ោយប៉ែត

ខេត្តបន្ទាយមានជ័យៈ ជនពិការមួយក្រុម កំពង់នាំសាច់មាន់ ខូចគុណភាព ជាជំងឺចូលក្នុងប្រទេស ហើយបាន វាយអ្នកសារព៍ត៌មាន ជនពិការមួយក្រុម រកស៉ីដឹកជញ្ជន សាច់មាន់ ប្រហិតមាន់ ដែលខូចគុណភាព ពីប្រទសថៃ បានប្រើអំពើហឹង្សា ទៅលើអ្នកសាព័ត៌មាន មួយរូប ហេតុការនេះ បានកើតឡើង នៅភូមិសាស្ត្រ សង្កាត់ប៉ោយប៉ែត កាលពីព្រឹក ថ្ងៃទី៣១សីហា ២០១៧ ជនរងគ្រោះ មានឈ្មោះ វេន ប្រុស អាយុ៣២ឆ្នាំ នៅអង្គភាពសារព័ត៌មាន ព្រះចន្ទ័កម្ពុជា ប្រចាំខេត្តបន្ទាយមានជ័យ លោក វេន ប្រុស បានឱ្យដឹងថា មុនដំបូងរូបគាត់ បានចុះទៅយកព័ត៌មាន នៅចំណុចផ្សារ មង្គលដែលស្ថិតនៅ ក្នុងភូមិនឹងសង្កាត់ ប៉ោយប៉ែត ខេត្តបន្ទាយមានជ័យ ស្រាប់តែឃើញ ក្រុមជនពិការ មួយក្រុមកំពង់ លើកសាច់មាន់ បង្កប់ក្នុងប្រហិត ដាក់លើរថយន្ត គ្រានោះ មានបក្សឆពួក …

អានបន្ត»

មន្រ្តីជាន់ខ្ពស់ក្រសួងមហាផ្ទៃ ជម្រុញឲ្យអាជ្ញាធរខេត្តសៀមរាប ខិតខំបន្ថែមទៀត លើបញ្ហាជនអន្តោប្រវេសន៍

ឯកឧត្តម ឧត្តមសេនីយ៍ឯក កែម សារិន ប្រធាននាយកដ្ឋាន គ្រប់គ្រងជនបរទេស នៃអគ្គនាយកដ្ឋាន អន្តោប្រវេសន៍ ក្រសួងមហាផ្ទៃ បានជម្រុញឲ្យ អាជ្ញាធរខេត្តសៀមរាប ខិតខំបន្ថែមទៀត លើការធ្វើអធិការកិច្ច ជនបរទេសដែលមក ប្រកបរបររកទទួលទាន នៅក្នុងខេត្តទេសចរណ៍នេះ។ ឯកឧត្តមប្រធាននាយកដ្ឋាន មានប្រសាសន៍បែបនេះ នៅក្នុងឧិកាសដែល ឯកឧត្តមជួបពិភាក្សារការងារ ជាមួយថ្នាក់ដឹកនាំនគរបាល និងតំណាងអភិបាលខេត្តសៀមរាប កាលពីព្រឹកថ្ងៃទី១៤ ខែសីហា នេះ។ ឯកឧត្តមកែម សារិន បានលើកឡើងថា ការធ្វើអធិការកិច្ច លើជនបរទេស ដែលមកធ្វើការ ឬប្រកបរបរនៅកម្ពុជានេះ មានសារសំខាន់ណាស់ ដោយមួយផ្នែកគឺ ដើម្បីជួយពង្រឹងច្បាប់ អន្តោប្រវេសន៍ និងមួយផ្នែក ដើម្បីជួយប្រមូលថវិកាចូលរដ្ឋ ដែលថវិការទាំងនេះ គឺបានមកអំពីការ បង់ទិដ្ឋាការការងារ។ យោងតាមរបាយការណ៍ របស់ការិយាល័យ គ្រប់គ្រងជនបរទេស នៃស្នងការដ្ឋាន នគរបាលខេត្តសៀមរាប បានឲ្យដឹងថា កាលពីឆ្នាំ២០១៦ នគរបាលបានចុះធ្វើ អធិការកិច្ច …

អានបន្ត»

ពលរដ្ឋប្រមាណ២០០នាក់ មកពីរភូមិ លើកគ្នាទៅសាលាខេត្ត សុំអាជ្ញាធរជួយអន្តរាគមន៏ រឿងជំទាវ រដ្ឋមន្ត្រីក្រសួងកិច្ចការនារី ម្នាក់ធ្វើរបងថ្ម បិទផ្លូវ មិនឱ្យ ពួកគាត់ធ្វើដំណើរ

ខេត្តសៀមរាប៖ ពលរដ្ឋប្រមាណជាង២០០នាក់មកពីរ ២ភូមិ ក្នុងសង្កាត់ស្លក្រាម ក្រុងសៀមរាប បានដាក់ពាក្យបណ្តឹងទៅសាលាខេត្ត និង តុលាការ ជិត១០ឆ្នាំមកហើយ ទើបលើកនេះ ពួកគាត់សម្រេចចិត្ត នាំគ្នា ទៅធ្វើការតវ៉ា នៅមុខសាលាខេត្ត ដើម្បីឱ្យលោកអភិបាលខេត្តជួយរកដំណោះស្រាយ ខណៈដែលម្ចាស់ដី គឺ លោក ជំទាវ អ៊ឹង កន្ថា ផាវី ជារដ្ឋមន្ត្រី ក្រសួងកិច្ចការនារី បានធ្វើរបងថ្ម បិតផ្លូវ ពួកគាត់ជាយូរឆ្នាំមកហើយ មិនឱ្យចេញចូល ព្រោះផ្លូវនោះកាលពីដើម ពួកគាត់ដើរចេញចូលធម្មតា។ ហេតុការតវ៉ានេះ បានធ្វើឡើងតាំងពីម៉ោង ៨និង៣០នាទី ព្រឹករហូតដល់ម៉ោង៣រសៀល ថ្ងៃទី២ខែសីហាឆ្នាំ២០១៧ ស្ថិតនៅភូមិ ទ្រាំង សង្កាត់ស្លក្រាម ក្រុងសៀមរាប រឿង បិតផ្លូវនេះ មានរយៈពេលជិត១០ឆ្នាំ ។ អ្នកស្រី ញ៉ែម ដារ៉ា និង អ្នកស្រី ម៉ាន់ ផល្លា …

អានបន្ត»

បទល្មើកើតទ្បើងពេញផ្ទៃទន្លេ ខេត្តកំពង់ធំ

របាំងលប(ណរ៉ាវ)ហ្នឹងរបាំងសាច់អួនទំនើបរាប់សិបខ្សែនឹងរាប់រយម៉ែត្រត្រូវបានក្រុមជនល្មើសរាយដាក់ស្ទាក់ចាប់ត្រីនៅភូមិសាស្ត្រតំបន់(តាសោម)(ព្រែកទាល់)(ព្រែកជាងលួង)(ក្រឡុកបាយក្អែក)(កោះតាបរ)(លើកោះតាបរ)(អំបែងចែស)(ក្រឡុកបឹងស្រែ)(ខ្វែងក្របីរ)(មាត់ទ្វាបឹង)(ចែងខ្វែងត្រែង)នឹងតំបន់អភិរក្សបឹងម៉ាថិតក្នុង ស្រុកកំពង់ស្វាយ ខេត្តកំពង់ធំ។ ជាក់ស្ដែងចាប់តាំងពីទឹកទន្លេចាប់ផ្តើមឡើងក្នុងរដូវបិទនេសាទដែលជារដូវត្រីពងកូនឆ្នាំ២០១៧នេះរបាំងសាច់អួនក៏ចាប់ផ្ដើមរាយដាក់យ៉ាងស្គុះស្គាយពេញផ្ទៃទឹកបើយោងតាមសេចក្ដីរាយការណ៍បានអះអាងថាដោយសារតែមានការឃុបឃិតជាមួយនឹងសមត្ថកិច្ចពាក់ព័ន្ធ ជាពិសេសគឺជំនាញខ័ណ្ឌរដ្ឋបាលជលផលដែលមានលោកប៉ែនវណ្ណារិទ្ធជានាយខ័ណ្ឌរួមទាំងប្រធានមន្ទីកសិកម្មខេត្ត លោកធីវវណ្ណធី របាំងសាច់អួនទាំងនោះក្នុងមួយខ្សែៗមានប្រវែងចាប់ពី២០០ទៅ១០០០ម៉ែត្រដាក់ពីចុងព្រែរហូតមកដល់កណ្ដាលទន្លេតែម្ដង។ យោងតាមប្រភពបានឲ្យដឹងថា ការបើកដៃឲ្យមានបទល្មើស របាំងសាច់អួននារដូវបិទនេសាទនេះ ដោយពួកគេមានមេខ្យល់ ប្រមូលរត់ការ បង់ឲ្យសមត្ថកិច្ចគ្រប់ ជំនាញពាក់ព័ន្ធ ជាពិសេសប្រភពបានបង្ហើបឲ្យដឹងថា បង់ឲ្យលោកនាយខណ្ឌរដ្ឋបាលជលផល ប៉ែនវណ្ណារិទ្ធ ប៉ុន្តែគេមិនបានបញ្ជាក់ថាបង់ឲ្យប៉ុន្មានោះទេ ។ ការបណ្តែតបណ្តោយ ឲ្យមានបទល្មើសនេសាទបែបនេះ ខណៈរដូវត្រីពងកូន គេមិនសង្ឃឹមថា ផលនេសាទមានការកើនឡើង ផ្ទុយទៅវិញ បានបង្ក វិនាសកម្មយ៉ាងធ្ងន់ធ្ងរដល់មច្ឆាជាតិ ។ បើតាមការរៀបរាប់ពីអ្នករាយរបាំងលបទាំងនោះបានឲ្យដឹងថាការដែលពួកគេដាក់ទៅបាននោះក៏ដោយសារតែពួកគេអាងមេខ្យល់ខាងរត់ការអោយគ្រប់សមត្ថកិច្ចជាពិសេសគឺមន្ទីកសិកម្មខេត្តកំពង់ធំហ្នឹងខ័ណ្ឌរដ្ឋបាលជលផលបានជាពួកគាត់ហ៊ានរាយដាក់វែងៗចឹង ។ ប្រជានេសាទដែលប្រកបមុខរបនេសាទលក្ខណៈគ្រួសារបានរអ៊ូ រទាំថាពីមួយឆ្នាំទៅមួយឆ្នាំត្រីកាន់តែក្រទៅៗគឺដោយសារតែមន្ត្រីសមត្ថកិច្ចជាពិសេសគឺជលផលចូលដៃចូលជើងជាមួយនឹងជនល្មើសបង្កើតនូវឧបករណ៏ខុសច្បាប់ស្ទើតែគ្រប់កន្លែងជាពិសេសគឺនៅតំបន់(ខ្វែងក្របីរ)ហ្នឹង(ព្រែកទាល់)នេះតែម្ដង យោងតាមសេចក្ដីរាយការណ៏ពីប្រជានេសាទបានឲ្យដឹងថាចាប់តាំងពី លោកប៉ែនវណ្ណារិទ្ធជាមេខ័ណ្ឌមកគឺបទល្មើសកាន់តែកើនឡើងដោយក្នុងស្រុកនិមួយៗពោពេញទៅដោយបទល្មើសគ្រប់ប្រភេទទាំងរដូវបិទនិងរដូវបើក ជាក់ស្ដែងដូចជារដូវបិទនេសាទក្នុងពេលបច្ចុប្បន្ននេះរបាំងលប(ណរ៉ាវ)ហ្នឹងរបាំងសាច់អួនទំនើបរាយនៅនឹងកន្លែងចុះហេតុអ្វីបានជាលោកមិនដឹងនាំកំលាំងចុះបង្ក្រាប ឬមួយក៏លោកពិតជាទទួលលាភពីក្រុមឈ្មួញដូចដែលគេបាននិយាយមែនភាពអសកម្មរបស់ លោក ប៉ែនវណ្ណារិទ្ធ ធ្វើឲ្យប្រជានេសាទលក្ខណៈគ្រួសារពិបាកក្នុងការរកត្រីចញ្ចឹមជីវភាពដោយសារនេសាទមិនបាន។ ប្រជាពលរដ្ឋបានអំពាវនាវ សូមឲ្យថ្នាក់លើជាពិសេស អភិបាលនៃគណៈអភិបាលខេត្ត កំពង់ធំមេត្តាចាត់វិធានការបង្ក្រាប ឲ្យមានប្រសិទ្ធភាព និងទាន់ពេលវេលា បើពុំនោះសោត មច្ឆាជាតិ ដែលសុទ្ធសឹងជាត្រីមេពូជ ប្រាកដជាហិនហោចមិនខានឡើយ ។ …

អានបន្ត»

លោកវ៉ែន.ឈុនហាក់ ចាងហ្វាងការផ្សាយ គេហទំព័រ (បេះដូងរាស្ត្រ) ត្រូវបានមន្ត្រីយោធា រត់កាងបទល្មើស នេសាទដុះស្លែ នៅខេត្តពោធ៌សាត់ប្តឹង ទៅតុលាខេត្តពោធ៍សាត់

កំពង់ឆ្នាំង: អ្នកសារព័ត៌មានត្រូវ បានទទួលស្គាល់ដោយ រដ្ឋធម្មនុញ្ញ គឺការពារដោយច្បាប់។ ពេលនេះ ចាងហ្វាងការផ្សាយ គេហទំព័រសារព័ត៍មាន <<បេះដូងរាស្ត្រ>>ត្រូវបានមន្ត្រីយោធារត់ការបទល្មើសនេសាទ ប្តឹងទៅកាន់តុលាការ ខេត្តពោធិសាត់ហើយ ដោយសារចុះផ្សាយរឿងពិត​ សម្តេច តេជោ ហ៊ុន សែន មានប្រសាសន៍ថា( ផ្សាយព័ត៍មាន ពិត កុំខ្លាចគេប្តឹង) (សារព័ត៍មាន ដែលដោះដូរលុយកាក់ មិនអាចបម្រើសង្គមបានទេ មានតែជម្រុញសង្គម ឲ្យប្រព្រិត្តអំពើពុករលួយថែមទៀត) (បើចុះផ្សាយព័ត៍មាន ថ្លោះថ្លោយ ដោយមានការតវ៉ា ក្នុងការសសេរផ្សាយ កុំខ្លាចសសេរកែតម្រូវឲ្យគេ)។ -ក្រោយពីអ្នកសារព័ត៍មាន រាយការណ៍ជូន អភិបាលខេត្តពោធិសាត់ ពាក់ព័ន្ធនិងទូកនេសាទ បទល្មើសធ្វើសកម្មភាព ក្នុងទន្លេសាប ឯកឧត្តម លោក ម៉ៅ ធនិន្ន បានបញ្ជាឲ្យ មន្ត្រីជំនាញបង្ក្រាបបទល្មើសទូកយំាងកាវ និងទូកអ៊ួនចំនួន៣៥គ្រឿង ជាក់ស្តែងនៅល្ងាចថ្ងៃទី១៧ ខែមករា ឆ្នាំ២០១៧ មន្ត្រីជំនាញបង្ក្រាបបានចំនួន៥គ្រឿង ពិតប្រាកដ មែន ចំណែកទូក៣០គ្រឿងផ្សេងទៀត …

អានបន្ត»

ខឹងឪពុកស្តីបន្ទោស កាប់មួយកាំបិត ដាច់បំពង់ក ត្រូវនគរបាលឃាត់ខ្លួន

សៀមរាប៖​ ខឹងឪពុកស្តីបន្ទោស និងសុំលុយមិនបាន ក៏ដាច់ចិត្តទាញកាំបិតខ្វែវ ទៅកាប់ឪពុកមួយកាំបិត ដាច់បំពង់កបណ្តាលឲ្យស្លាប់ នៅនឹងកន្លែង ខណះសម្រាន្តលង់លក់ ហើយជនបង្កដែលជាកូន ត្រូវសមត្ថកិច្ចឃាត់ខ្លួនបាន រួចបញ្ជូនយកមក សួរនាំទៅការិយាល័យ ព្រហ្មទណ្ឌកំរិតធ្ងន់ នៃស្នងការនគរបាលខេត្ត។ ហេតុការណ៍នេះកើតឡើងនៅវេលាម៉ោង៣ និង៣០នាទី ទៀបភ្លឺ ឈានចូលថ្ងៃទី០១ ខែសីហា ឆ្នាំ២០១៧ ស្ថិតនៅចំនុច លើគ្រែដែកក្នុងផ្ទះរបស់សព ស្ថិតក្នុងភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។ លោកវរសេនីយ៍ឯក ដួង សុខា នាយ ការិយាល័យ នគរបាលព្រហ្មទ័ណ្ឌកំរិតធ្ងន់ បានប្រាប់ថា ដោយមានព័ត៌មាន ពីកម្លាំងមូលដ្ឋាន ថា មានករណីឃាតកម្ម សម្លាប់ឪពុករបស់ខ្លួន កាប់ដាច់បំពង់ក កើតឡើងនៅចំណុច សង្កាត់ស្វាយដង្គំ ទើបលោកបានដឹកនាំកម្លាំង សហការជាមួយ កម្លាំងជំនាញ ចុះទៅដល់កន្លែងកើតហេតុ។ លោកបានបន្តថា ដោយមានការសង្ស័យ ជនសង្ស័យកំណត់បាន ជាកូនប្រុសបង្កើត របស់សាកសពឪពុក …

អានបន្ត»