បន្ទាយមានជ័យ : នៅថ្ងៃទី១៩ ខែមីនា ឆ្នាំ២០២៥ នេះប្រជាពលរដ្ឋជាច្រើនគ្រួសារនាំគ្នាទៅហាមឃាត់ក្រុមជាងសំណង់អោយផ្អាកធ្វើរបងលើដីកំពុងមានទំនាស់ដែលមិនទាន់ដោះស្រាយរួចក្នុងទំហំ១២ហិកតា ព្រោះប្រជាពលរដ្ឋបានដាក់ពាក្យបណ្តឹងស៉ំអន្តរាគមន៍ពីឯកឧត្តម អ៊ុ រាត្រី អភិបាលខេត្តបន្ទាយមានជ័យ ហើយព្រឹទ្ធសភាបានចេញលិខិតឲ្យអភិបាលខេត្តធ្វើការដោះស្រាយ នឹង ផ្តល់លទ្ធផលជូនព្រឹទ្ធសភា វិញផងដែរ។
ទាក់ទងនិងដីដែលកំពុងមានទំនាស់ខាងលើ គឺមានចំនួន១២ហិកតា ស្ថិតក្នុងភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ លោក មាស សាវឿន បានអះអាងថា គឺទទួលបានពីសមាគមន៍អភិវឌ្ឍន៍កសិកម្មជាតិតាំងពីឆ្នាំ២០០១ និងបានគ្រប់គ្រងរហូតមក ស្រាប់តែនៅចុងឆ្នាំ២០២៤នេះ លេចចេញលោក អ៊ុយ វាំងសង់ អនិកជនបារាំងបានមកអះថា មានប្លង់រឹងទៅវិញ។
ក្នុងករណីនេះដែរលោក លឹម សុភ័ក្រ មេបញ្ជាការរងកងរាជអាវុធហត្ថក្រុងប៉ោយប៉ែត បានលើកឡើងថា ចំពោះសកម្មភាពធ្វើរបងព័ទ្ធដីទំនាស់ខាងលើ គឺលោកបានទទួលម៉ៅការពីឈ្មោះ អ៊ុយ វាំងសង់ នោះទេ ដោយលោកមិនដឹងរឿងទំនាស់មិនទាន់ដោះស្រាយចប់នោះឡើយ ហើយលោកក៍បានធ្វើកិច្ចសន្យាជាមួយលោក អ៊ុយ វាំងសង់ ដែរថា ប្រសិនបើមានហេតុការណាមួយដែលអោយផ្អាកការសាងសង់ គឺលោក អ៊ុយ វាំងសង់ ទទួលខុសត្រូវលុយសំណង នៃសម្ភារ:សំណង់ជូនលោកវិញ ហើយរូបលោក លឹម សុភ័ក្រ មិនជំទាស់ការផ្អាកសាងសង់នោះទេ ។
ចំពោះបញ្ហាវិវាទនេះមានតែអាជ្ញាធរ និង មន្ត្រីជំនាញសូរិយោដី និង ក្រសួងដែនដីតែប៉ុណ្ណោះទើបអាចបញ្ជាក់ពីភាពច្បាស់លាស់ ត្រឹមត្រូវ របស់គូរភាគីទាំងសងខាងបាន ។ ចំពោះរឿងហេតុខាងលើ អ្នកព័ត៌មានយើង នឹងព្យាយាមទំនាក់ទំនងភាគីពាក់ព័ន្ធបន្ថែមទៀត ដើម្បីធ្វើការផ្សព្វផ្សាយបន្តររឿងនេះ ៕
