ឧត្ដរមានជ័យៈ ក្មេងទំនើង៨នាក់ត្រូវបានឃាត់ខ្លួនជាបន្តរបន្ទាប់ ក្រោយពីធ្វើសកម្មភាពវាយតប់គ្នា បណ្តាលអោយមានការភ្ញាក់ផ្អើល កាលពីថ្ងៃទី០១ ខែតុលា ឆ្នាំ២០២៤ វេលាម៉ោងប្រហែល ១៦:០០នាទី នៅចំណុចរមណីយដ្ឋានអូរទឹកចោល ស្ថិតក្នុងភូមិត្រពាំងត្រាវ សង្កាត់បន្សាយរាក់ ក្រុងសំរោង ។
ការស្រាវជ្រាវរហូតឈានដល់ការចាប់ខ្លួនក្មេងទំនើងទាំង០៨នាក់ខាងលើ គឺទទួលបានបទបញ្ជាពីលោកឧត្តមសេនីយ៍ទោ ខូវ លី ស្នងការ នៃស្នងការដ្ឋាននគរបាលខេត្តឧត្តមានជ័យ លោកវរសេនីយ៍ឯក ហម ភិរម្យ អធិការនគរបាលក្រុងសំរោង បានចាត់លោកវរសេនីយ៍ទោ សត្យា រ៉ូម៉េអ៊ូ អធិការរងទទួលផែនការងារនគរបាលយុត្តិធម៌ ដឹកនាំកម្លាំងជំនាញ និងកម្លាំងប៉ុស្តិ៍នគរបាលរដ្ឋបាលសំរោង-កូនគ្រៀល-បន្សាយរាក់ សហការជាមួយកម្លាំងការិយាល័យព្រហ្មទណ្ឌកម្រិតស្រាល និងបានឃាត់ខ្លួនក្មេងទំនើងទាំង៤នាក់ខាងលើ នៅចំណុចលូបង្ហៀរទឹកត្រពាំងវែង ស្ថិតក្នុងភូមិត្រពាំងវែង សង្កាត់កូនគ្រៀល ក្រុងសំរោង ។
-បច្ចុប្បន្នក្រុមក្មេងទំនើងទាំង ០៨នាក់ខាងលើ ត្រូវបានបញ្ជូនទៅកាន់ស្នងការដ្ឋាននគរបាលខេត្តឧត្តរមានជ័យ ដើម្បីចាត់ការតាមនីតិវិធីច្បាប់។
